სალამი, მასწავლებელო! სალამი, ბავშვებო!

ერთ დღეს მოხუცი მასწავლებელი ეუჯენიო მივიწყებულ საკუჭნაოში ძველ ჩემოდანს აღმოაჩენს… აქ იწყება საოცარი ამბავი, რომელიც სავსეა ძველი მოგონებებითა და უცნაური ისტორიებით.

ქრისტინა, გრეგორიო, ლია, გრაციელა, რიკარდო და კიდევ ბევრი სხვა მოსწავლე ჩემოდანში შენახულ ნივთებთან ერთად საინტერესო და განსხვავებული ამბებით „ცოცხლდებიან“.

ეუჯენიო თავის მოსწავლეებს ყოველთვის ყურადღებით უსმენდა და უზიარებდა საკუთარ გამოცდილებას. უყვებოდა საინტერესო ამბებს – ზოგს თავად იგონებდა, ზოგსაც ზღაპრებიდან ან მითებიდან იმეორებდა. ასე იქცნენ მისი მოსწავლეები მასწავლებლის საუკეთესო მეგობრებად.

ანჯელო პეტროზინო თანამედროვე იტალიელი საბავშვო მწერალია და ის 40 წლის განმავლობაში მუშაობდა დაწყებით სკოლაში მასწავლებლად.