მათემატიკოსი ჭინკა — მოგზაურობა რიცხვების სამყაროში

დარწმუნებული ხარ, რომ ორჯერ ორი ოთხია? ოდესმე გიცდია, ქოქოსის კაკლებით ანგარიში? გსმენია თალგამზე, ოღონდ მის სულ სხვანაირად ამოღებაზე? დარწმუნებული ვარ, კევი მაინც გაგინაწილებია მეგობრებისთვის, თუმცა რამდენისთვის – უსასრულოდ ბევრისთვის?

ეს ყველაფერი არც ამ საოცარი წიგნის გმირმა რობერტმა იცოდა, თუმცა მხოლოდ იქამდე, სანამ ერთ მშვენიერ დღესაც, უფრო სწორად კი ღამეს, სიზმრად უდიდესი მათემატიკოსი, რიცხვთა ჭინკა გამოეცხადებოდა.

ეს წიგნი მათთვისაა, ვისაც მათემატიკა გადაულახავ წინაღობად ესახება, რიცხვები შიშსაც კი ჰგვრის, ან, უბრალოდ, ეზარება დაიანგარიშოს, თუ 33 მცხობლიდან 1/3 2½ საათში 89 ბრეცელს აცხობს, რამდენ ბრეცელს გამოაცხობს 5¾ მცხობელი 1½ საათში. რთულად გეჩვენება, არა? ასეცაა, მაგრამ როგორც კი ლოგიკის ძაფს ჩაავლებ ხელს, მაშინვე ყველაფერი გაადვილდება. ამაში კი ჩვენი რიცხვთა ჭინკა დაგეხმარება, რომელიც ცოტათი მკაცრი, მომთხოვნი და ჯიუტიცაა, მაგრამ ჭკუამხიარულებისგანაც არ არის შორს. ეს კი მასთან და მათემატიკის საოცარ სამყაროსთან დამეგობრებაშიც დაგეხმარება.