ჰედვიგი

ექვსი წლის ჰედვიგი მშობლებთან ერთად შვედეთის ერთ პაწაწინა, მიყრუებულ სოფელში ცხოვრობს. გოგონა მოუთმენლად ელოდება სკოლის პირველი დღის დადგომას – იქ ხომ საგანგებოდ მისთვის გამოგზავნილი ავტობუსით უნდა წავიდეს და რაც მთავარია, კლასელები გაიცნოს.

სკოლის პირველივე დღიდან იწყება ჰედვიგის სახალისო, ზოგჯერ კი ხიფათით სავსე თავგადასავლები.

იმის გამო, რომ ჯერ აკეთებს და მერე ფიქრობს, გოგონა ხშირად შარში ეხვევა – მაგალითად მაშინ, როცა მეგობარს სკოლის ფარდულში კეტავს და მისი გარეთ გამოშვება ავიწყდება; როცა კლასელს სასმელი წყლის ბოთლში საპონს უსხამს, და მაშინ, როცა გადაწყვეტს, თავკომბალებს ათქვეფილი ნაღები აჭამოს…

თავგადასავლებითა და ბავშვური სიანცით სავსე ეს სახალისო წიგნი განსაკუთრებით იმ მკითხველებისთვის იქნება საინტერესო, რომლებიც სკოლაში ეს-ესაა მივიდნენ.