ხელოვნება 3

ხელოვნება 3 მოსწავლის წიგნი მოიცავს მასალას, რომელიც დაეხმარება მოსწავლეების შემოქმედებითი უნარების გამოვლენას და შემდგომ განვითარებას.

ხელოვნება 3 მოსწავლის წიგნი ხელს უწყობს ხელოვნების მიმართ და ასევე, ხელოვნების მეშვეობით კაცობრიობის მიღწევების სხვა სფეროებისადმი ინტერესის გაღვივებას.

სხვადასხვა უნარის განვითარების ერთობლიობით, ჩვენ უნდა შევეცადოთ მთავარი შედეგის მიღწევას – ინტერესიანი, მოაზროვნე, შემოქმედებითი პიროვნების ჩამოყალიბებას.

მე-3 კლასში ცნობისმოყვარეობა უნდა გადაიზარდოს ცოდნისმოყვარეობაში, შემეცნებისადმი მუდმივ ლტოლვაში, ექსპერიმენტირებისადმი ინტერესში, საზრიანობა – კრიტიკული და ანალიტიკური აზროვნების უნარში, თვითგამოხატვის სურვილი კი – შემოქმედებითობაში.

მოსწავლეს უნდა ჩამოვუყალიბოთ სამყაროს ერთიანობის შესახებ წარმოდგენა;
გავაცნოთ საკუთარი და სხვათა კულტურული მემკვიდრეობა;
ჩამოვუყალიბოთ პატივისცემის გრძნობა ეროვნული და ზოგადსაკაცობრიო კულტურის
მიმართ;
ჩამოვუყალიბოთ ესთეტური გემოვნება;
დავაუფლოთ შემოქმედებითი საქმიანობის ტექნიკურ საშუალებებს;
ჩამოვუყალიბოთ შრომითი უნარ-ჩვევები;
ხელი შევუწყოთ ერთმანეთის მიმართ კეთილგანწყობილი დამოკიდებულების ფორმირებას.

ამისთვის, მოსწავლეებს უნდა გავუღვივოთ და განვუვითაროთ:

წარმოსახვის, ფანტაზიის უნარი;
მშვენიერების აღქმის უნარი;
ხელოვნების ნაწარმოების/გარემოს ემოციური განცდის უნარი;
ხელოვნებისადმი ინტერესი და სიყვარული;
საკუთარი დამოკიდებულების, ემოციის გამოხატვის უნარი;
დაკვირვების, აღქმის, ანალიზის, ინტერპრეტაციის უნარი;
არგუმენტირებული მსჯელობის უნარი;
საკუთარი აზრების, შთაბეჭდილებებისა და გრძნობები სახვითი საშუალებებით გადმოცემის უნარი;
შემოქმედების სურვილი და უნარი;
სხვადასხვა ტექნიკის გამოყენების უნარი.
თეორიული ცოდნის პრაქტიკულად გამოყენების უნარი.
სამუშაოს თანმიმდევრობის დაგეგმვისა და ჩანაფიქრიდან სასრულ ეტაპამდე მიყვანის უნარი.