ბანი მანროს აღსასრული

„ბანი მანროს აღსასრული“ გამოიცა სერიაში ლიტერატურული ოდისეა.

ნიკ ქეივი ცნობილი ავსტრალიელი პოეტი, რომანისტი, სცენარისტი და მუსიკოსია, რომელმაც სახელი როკ-ბენდ Nick Cave and the Bad Seeds-თან ერთად მოიხვეჭა.

წიგნი ქეივმა 2009 წელს გამოსცა, რომელიც მალევე ითარგმნა მსოფლიოს მრავალ ენაზე. მისი დებიუტი შედგა 1989 წელს – „და იხილა ვირმა ანგელოზი“.

რომანის მთავარი გმირი, კოსმეტიკითა და მარადიულ მშვენიერებაზე ოცნებით მოვაჭრე ბანი მანროს ცოლის უეცარი გარდაცვალების შემდეგ ცდილობს ცხოვრებას ფეხი აუწყოს და თავის მცირეწლოვან ვაჟთან ერთად გზას გაუდგება.

ვიდრე ბანი კოსმეტიკით სავსე ჩემოდანსა და თავის სექსუალურ ქარიზმას კარდაკარ დაატარებს, ცხრა წლის ბანი უმცროსი უფროსების სამყაროს მანქანის ფანჯრიდან და ენციკლოპედიის ფურცლებიდან აკვირდება.

„ბანი მანროს აღსასრული“ მამა-შვილის სევდიანი ურთიერთობაა – ელეგანტური, სექსუალური, სახალისოდ საკითხავი რომანი, რომელშიც არა მხოლოდ ნიკ ქეივის თაყვანისმცემლები აღმოაჩენენ ავტორისეულ ენამახვილობასა და მისტიციზმს.