ეს კომპლექტი ყველასათვის საყვარელ ორ საბავშვო წიგნს აერთიანებს – „პიტერ პენსა” და „ტელეფონით მოყოლილ ზღაპრებს”.
ჯეიმს მეთიუ ბარის „პიტერ პენი” ეს არის პატარა ჯადოსნური მფრინავი ბიჭუნას თავგადასავალი, რომელშიც მის მეგობარ ბავშვებსა და ფერიებს შეხვდებით და მათთან ერთად არლანდიის უცნაურ კუნძულზე იმოგზაურებთ.
იტალიელი საბავშვო წიგნების ავტორის, ჯანი როდარის, „ტელეფონით მოყოლილ ზღაპრები” სინიორ ბიანკის ზღაპრებს აერთიანებს. სინიორ ბიანკი წამლებით ვაჭრობდა. კვირაში ექვსი დღე გზას ადგა. მაგრამ სადაც უნდა ყოფილიყო, ყოველ საღამოს შინ ტელეფონით რეკავდა და თავის გოგონას ზღაპარს უყვებოდა, რადგან ის უზღაპროდ ვერაფრით იძინებდა.
თუ ფანჯარასთან დაყრილ ფოთლებს შეამჩნევ, ესე იგი ღამით შენს ოთახში პიტერ პენი იყო – საოცარი ბიჭუნა...
ერთხელ ის დარლინგების სახლს ესტუმრა. პატარა ვენდი დარლინგი ვერასდროს წარმოიდგენდა, რომ ოდესმე ასეთი უცნაური ბიჭი მიფრინდებოდა მის საწოლთან და მასთან ერთად კუნძულს მოინახულებდა... რომელ კუნძულს? რომელი გზით ან როგორ წავიდნენ? იქ ვინ ნახეს და რა გადახდათ თავს?..
ამ ყველაფერს შეიტყობ, თუ პიტერ პენსა და ვენდის არლანდიის უცნაურ კუნძულზე გაჰყვები.
სულაკაურის გამომცემლობის სერია „მოსწავლის ბიბლიოთეკა“ 100-ზე მეტ წიგნს აერთიანებს და განკუთვნილია იმ ბავშვებისთვის, რომელთაც უკვე იციან კითხვა. ჯეიმს მეთიუ ბარის „პიტერ პენი“ ამ სერიის გამორჩეული და ბავშვებისთვის საყვარელი წიგნია.
„ნაყინის სახლი“, „შოკოლადის გზა“, „მსუნაგეთის სამეფო“, „გაქცეული ცხვირი“, „უჩინმაჩინი ტონინო“ – ეს და კიდევ ბევრი სხვა მოკლე და სხარტი ზღაპარი, როგორც ყველა ბავშვისთვის საყვარელი იტალიელი მწერალი, ჯანი როდარი მოგვითხრობს, თურმე ვინმე სინიორ ბიანკის ტელეფონით უამბია თავისი პატარა გოგოსთვის, რომელიც უზღაპროდ ვერაფრით იძინებდა, დედას კი უკვე მოყოლილი ჰქონდა, რა ზღაპრებიც იცოდა, თანაც ზოგიერთი – სამ-სამჯერ.
სინიორ ბიანკი წამლებით ვაჭრობდა. კვირაში ექვსი დღე გზას ადგა. ხან აღმოსავლეთში იყო, ხან – დასავლეთში. მაგრამ სადაც უნდა ყოფილიყო, ყოველ საღამოს შინ ტელეფონით რეკავდა და თავის გოგონას ზღაპარს უყვებოდა. ამ წიგნში სწორედ სინიორ ბიანკის ზღაპრებია თავმოყრილი.
