პოპულარული საბავშვო საკითხავი 11-13 წლის მოზარდებისთვის
კომპლექტი „მოსწავლის ბიბლიოთეკის“ სამ წიგნს აერთიანებს. თითოეული ამბავი თანატოლებისგან გამორჩეულ და საინტერესო პერსონაჟებზე მოგვითხრობს.
ერთი ბიჭი, რომელიც ვარსკვლავებთან ცხოვრობს, ისეთი სამყაროს გაგვიხსნის კარს, რომლის შეღებასაც, ალბათ, ჩვენით ვერ გავბედავდით; მეორე, კოსმოსზე შეყვარებული ბიჭუნა, უცნაურ და ჯადოსნურ ადგილებში გვამოგზაურებს; ყველასთვის საყვარელი ტომ სოიერი კი თავისი გაბედული და მამაცი საქციელით თან გვაცინებს, თანაც ბევრ რამეს გვასწავლის და შეგვახსენებს.
ქართველი, ესპანელი და ამერიკელი ავტორების ეს სამი წიგნი იდეალური საკითხავი იქნება 11-13 წლის ცნობისმოყვარე მოზარდებისთვის.
შეგახსენებთ, კომპლექტში წიგნები მოცემულია ფასდაკლებით.
ერთ ჩვეულებრივ დღეს, ბავშვთა ფსიქიატრი დევიდ როხასი ახალ პაციენტს გაიცნობს. ეს საქმე მაშინვე იქცევა მისი კარიერის ყველაზე უჩვეულო შემთხვევად.
პოლიციის მიერ ნაპოვნი ბიჭი არ ლაპარაკობს, არ ჭამს. ვერ ეგუება სინათლეს. გარშემო მისთვის ყველაფერი უცხო და უჩვეულოა.
ფსიქიატრი მიზნად დაისახავს, დაკარგული ბავშვის საიდუმლო ამოხსნას. მის მიერ ძლივს ნათქვამი რამდენიმე სიტყვით, ლაბირინთიდან გასასვლელი რუკის შედგენას იწყებს.
თანამედროვე ესპანური საბავშვო ლიტერატურის ერთ-ერთი გამორჩეული წარმომადგენლის, ჯორდი სიერა ფაბრას ეს მოთხრობა, ისეთ სამყაროში შემავალ კარს გვიხსნის, რომლის შეღებასაც არასდროს მოვინდომებდით, რადგან არ გვინდა ვაღიაროთ, რომ მის მიღმა მართლაც არსებობს რაღაც.
„ტომ სოიერის თავგადასავალი“ მარკ ტვენის ყველაზე ცნობილი საბავშვო წიგნია.
თავად ავტორი თურმე დიდხანს ყოყმანობდა, ვერ განესაზღვრა, ვისთვის იყო მისი წიგნები – დიდებისთვის თუ ბავშვებისთვის.
მწერალმა ბოლოს ასე გადაწყვიტა: უმთავრესად ბიჭებისა და გოგონებისთვის ვწერდი, მაგრამ იმედი მაქვს, უფროსებიც წაიკითხავენ, რადგან ჩემი განზრახვა იყო, მათთვისაც გამეხსენებინა, როგორები იყვნენ ერთ დროს თავად ისინი, რას ფიქრობდნენ ან ამბობდნენ, ან რა უცნაურ ოინებს იგონებდნენ ხოლმეო.
ამრიგად, ეს წიგნი თანაბარ სიამოვნებას მიანიჭებს ბავშვებსაც და უფროსებსაც.
გრინკო ერთი ჩვეულებრივი ბიჭია, უბრალოდ თანატოლებზე მეტად აინტერესებს კოსმოსი და პლანეტებს ტელესკოპით აკვირდება. თუმცა, ვერასდროს წარმოიდგენს, რომ თავად შეიძლება ამოყოს თავი რომელიმე პლანეტაზე. არადა ზუსტად ასე მოხდება. ჯერ ორასსართულიანი სახლის ლიფტში აღმოჩნდება, შემდეგ კი სხვა დატყვევებულ დედამიწელებთან ერთად გამოკეტავენ.
ამ წიგნში, გრინკოს გარდა, გაიცნობთ პიას, მარიონს, ტულას, სურიენს, ფრიდას და სხვებს; გაიგებთ, ვინ ცხოვრობდა გაბრტყელებულ პლანეტაზე და საიდან მოვიდნენ ტუცები; რატომ იყო სულ ღამე ან სულ დღე. რაც მთავარია, შეიტყობთ, მოახერხა თუ არა გრინკომ ბოლოს და ბოლოს უკან დაბრუნება.
მოსწავლის ბიბლიოთეკა მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.
