კომპლექტი ლათინოამერიკული ლიტერატურის ერთ-ერთი დამაარსებლის, ხორხე ლუის ბორხესის სამ კრებულს აერთიანებს. მის მოთხრობებში აღრეულია რელიგია და მითოლოგია, ფილოსოფია და ეზოთერიკა, პოეზია და კაბალისტიკა, მეტაფიზიკა და დეტექტიური ჟანრი. ბორხესის შემოქმედება გამორჩეულია როგორც ფორმით, ასევე შინაარსობრივი ინოვაციებით. ის მკითხველს აზროვნებისა და ფანტაზიის სრულიად ახალ, უკიდეგანო საზღვრებს უხსნის.
„ალეფი“ ხორხე ლუის ბორხესის მოთხრობებს აერთიანებს. ამ კრებულს განსაკუთრებული ადგილი უჭირავს ავტორის შემოქმედებაში. კრებულის შექმნა მწერლის შთაგონების წყარომ, ესტელ კანტომ განაპირობა. ეს ქალი ბორხესის დიდი სიყვარული იყო, მიუხედავად იმისა, რომ ცოლობაზე უარი უთხრა. ამ სიყვარულის წყალობით მსოფლიო ლიტერატურამ მეტაფიზიკითა და პოეზიით გაჯერებული კიდევ ერთი საოცარი ნაყოფი შეიძინა.
ბორხესი (1899-1986) ლათინური ამერიკის ახალი ლიტერატურის ერთ-ერთი დამაარსებლია. მისი სახელი უკვე დიდი ხანია, გასცდა სამხრეთამერიკული ქვეყნების საზღვრებს. მან მსოფლიო ლიტერატურაში განსაკუთრებული ადგილი დაიმკვიდრა.
ბორხესის შემოქმედება გამორჩეულია როგორც ფორმით, ასევე შინაარსობრივი ინოვაციებით. ის მკითხველს აზროვნებისა და ფანტაზიის სრულიად ახალ, უკიდეგანო საზღვრებს უხსნის.
ბორხესის შემოქმედება სამუდამოდ ასამარებს აქამდე არსებული ტრადიციების ჩარჩოებს.
კრებული „ქვიშის წიგნი“ პირველად 1975 წელს გამოიცა და მას უკვე ასაკში შესული ავტორი თავის საუკეთესო წიგნად მიიჩნევდა. მართლაც გასაოცარია ის ოსტატობა, დახვეწილი სტილი და ადამიანურ განცდათა ცოდნის ის უნარი, რასაც მწერალი აქ წარმოდგენილ მოთხრობებში ავლენს.
ხორხე ლუის ბორხესი (1899-1986) ლათინური ამერიკის ახალი ლიტერატურის ერთ-ერთი დამაარსებლისა და მისი ბრწყინვალე წარმომადგენლის სახელი უკვე დიდი ხანია გასცდა სამხრეთამერიკული ქვეყნების საზღვრებს და მსოფლიო ლიტერატურაში განსაკუთრებული, გამორჩეული ადგილი დაიმკვიდრა როგორც ფორმით, ასევე შინაარსობრივი ინოვაციებით. ბორხესის შემოქმედება მკითხველს აზროვნებისა და ფანტაზიის სრულიად ახალ, უკიდეგანო საზღვრებს უხსნის და სამუდამოდ ასამარებს აქამდე არსებული ტრადიციების ჩარჩოებს.
„ფიქციები“ ორი ნაწილისგან შედგება. პირველი -„ბაღი, სადაც ბილიკები იყრებიან“ პირველად 1941 წელს გამოიცა. 1944 წელს მას დაემატა მეორე ნაწილი „გამონაგონნი“. კრებულში მწერლის ისეთი საკულტო მოთხრობებია შესული, როგორიცაა „ ტლონი, უქბარი და ორბის ტერციუსი“, „ბაბილონის ბიბლიოთეკა“, „პიერ მენარი - „დონ კიხოტის“ ავტორი“, „ ბაღი, სადაც ბილიკები იყრებიან“, „ფუნესი - მეხსიერების რაინდი“ და სხვ.
მიუხედავად ფორმატის სიმცირისა, ეს მოთხრობები მკითხველზე თავზარდამცემ შთაბეჭდილებას ახდენს, რადგან სრულიად სცდება ლიტერატურის ტრადიციულ საზღვრებს და უზარმაზარი ქარბორბალის მსგავსად ერთი ხელის მოსმით გადაისვრის მკითხველს ფანტაზიისა და ფილოსოფიური განსჯის წარმოუდგენელ ორომტრიალში.
ხორხე ლუის ბორხესი (1899-1986) - პოეტი და ესეისტი, მწერალი და ფილოსოფოსი, კაცი, რომელიც თვალის ჩინის დაკარგვის მიუხედავად განაგრძობდა წერას - მე-20 საკუნის ლათინოამერიკული და, ზოგადად, მსოფლიო ლიტერატურის ერთ-ერთი ბრწყინვალე წარმომადგენელია, რომლის შემოქმედებაში გამაოგნებელი სიმამაცითაა აღრეული რელიგია და მითოლოგია, ფილოსოფია და ეზოთერიკა, პოეზია და კაბალისტიკა, მეტაფიზიკა და დეტექტიური ჟანრი.
