თუ ჯოან როულინგის შექმნილ ჯადოსნურ სამყაროს კარგად არ იცნობთ, ან თქვენი წარმოდგენა მხოლოდ ნაწარმოების ეკრანიზაციით შემოიფარგლება, ეს კომპლექტი აუცილებლად მოგეწონებათ. 7 წიგნისგან შემდგარი ნაკრები „ჰარი პოტერის“ მომნუსხველ სამყაროში გამოგზაურებთ და ნამდვილ პოტერომანად გაქცევთ.
„დაიმახსოვრე, ოცნებებში არ უნდა გადასახლდე და ცხოვრება არ უნდა დაივიწყო“ - ალბუს დამბლდორი.
ჰარი პოტერის ცხოვრებას ჯადოსნურს ნამდვილად ვერ უწოდებ. ბიჭი სამოწყალოდ ცხოვრობს დერსლებთან - დეიდასთან, ბიძასთან და საძაგელ დეიდაშვილთან. მისი ოთახი კიბის ქვეშ მდებარე პაწაწინა საწყობია, დაბადების დღისთვის კი განსაკუთრებულ საჩუქარს არ ელოდება.
მაგრამ სწორედ მე-11 დაბადების დღეზე ჰარი ბუს ფოსტით იდუმალ წერილს იღებს. წერილი დაუჯერებელ ადგილას - ჰოგვორტსის მაგიისა და და ჯადოქრობის სკოლაში - სასწავლებლად იწვევს. ჰარი მოულოდნელად საოცარ მაგიურ გარემოში აღმოჩნდება. ჯადოქრულ სამყაროში ყველამ იცის, რომ ჰარი რჩეულია - უდიდესი ჯადოქრის სასიკვდილო წყევლას გადარჩენილ ბიჭს დიადი საქმეები ელის წინ.
ორ ათწლეულზე მეტი გავიდა, რაც ჰარი პოტერი უეცრად აღმოჩნდა კინგს ქროსის პლატფორმაზე 9 და 3/4 .
მასთან ერთად უამრავი მკითხველი ჩაითრია ჯოან როულინგის მიერ შექმნილმა ჯადოსნურმა სამყარომ:
გავიდა წლები და ჰარი პოტერის სერიის შვიდი ბესტსელერი წიგნის 8 კინოადაპტაციაც ვიხილეთ.
გამოვიდა პიესა, რომელმაც მაყურებლების გულები და ჯილდოები მოიგო.
ეს-ესაა დაიწყო „ჯადოსნური ცხოველების“ სერია, რომლის ფარგლებშიც ხუთი ფილმი გამოვა.
ამ სამყარომ მოხიბლა და მოაჯადოვა სხვადასხვა ასაკის მილიონობით მკითხველი. ისინი ხომ პერსონაჟებთან ერთად გადავიდნენ ჯოან როულინგის უსაზღვრო ფანტაზიით შექმნილ მაგიურ განზომილებაში.
დღეისათვის პოტერომანების რაოდენობა კიდევ და კიდევ იზრდება.
„ამ დღიურში საშინელი მოგონებები ინახება. ეს ამბები მიჩქმალეს. ჰოგვორტსის მაგიისა და ჯადოქრობის სკოლაში მომხდარ ამბებს ვგულისხმობ.“ ტომ მერვოლო რიდლი
ჰარი პოტერის მეორე სასწავლო წელს ჰოგვორტსში შემაძრწუნებელი ამბები ხდება. ორმოცდაათი წლის წინ მაგიისა და ჯადოქრობის სკოლაში მომხდარი ისტორია მეორდება - სტუდენტებს საშინელი, იდუმალი მონსტრი ესხმის თავს. საიდუმლო ოთახის ბინადარი მონსტრის მოძებნას ჰარი პოტერი მეგობრების დახმარებით ცდილობს.
ორ ათწლეულზე მეტი გავიდა, რაც ჰარი პოტერი უეცრად აღმოჩნდა კინგს ქროსის პლატფორმაზე 9 და 3/4 .
მასთან ერთად უამრავი მკითხველი ჩაითრია ჯოან როულინგის მიერ შექმნილმა ჯადოსნურმა სამყარომ:
გავიდა წლები და ჰარი პოტერის სერიის შვიდი ბესტსელერი წიგნის 8 კინოადაპტაციაც ვიხილეთ.
გამოვიდა პიესა, რომელმაც მაყურებლების გულები და ჯილდოები მოიგო.
ეს-ესაა დაიწყო „ჯადოსნური ცხოველების“ სერია, რომლის ფარგლებშიც ხუთი ფილმი გამოვა.
ამ სამყარომ მოხიბლა და მოაჯადოვა სხვადასხვა ასაკის მილიონობით მკითხველი. ისინი ხომ პერსონაჟებთან ერთად გადავიდნენ ჯოან როულინგის უსაზღვრო ფანტაზიით შექმნილ მაგიურ განზომილებაში.
დღეისათვის პოტერომანების რაოდენობა კიდევ და კიდევ იზრდება.
„ესე იგი, შენ ყველაზე მეტად შიშისა გეშინია!“ - რემუს ლუპინი
თორმეტი გრძელი წლის განმავლობაში აზკაბანის ციხეში სახიფათო დამნაშავე - სირიუს ბლექი იჯდა. ბლექს, რომელმაც ერთი წყევლით ცამეტი ადამიანი დახოცა, ლორდი ვოლდემორის ერთგული სამსახურისთვისაც ადანაშაულებდნენ. მაგრამ იგი აზკაბანის საშინელ მცველებს როგორღაც დაუსხლტა, ციხიდან გაქცევა მოახერხა და ახლა ჰარი პოტერს ეძებს.
საფრთხე რეალურია: სირიუს ბლექი დაჟინებით ცდილობს ჰოგვორტსში შეღწევას, რათა საბოლოოდ იძიოს შური აზკაბანში გატარებული თორმეტი წლისა და კიდევ უამრავი უცნობი მიზეზის გამო.
„არ აქვს მნიშვნელობა, რად იბადება ადამიანი, მთავარია, რა გამოდის მისგან.“ ალბუს დამბლდორი
მეოთხე სასწავლო წლის დაწყებამდე ჰარი პოტერი მეგობრებთან ერთად ქვიდიჩის მსოფლიო ჩემპიონატის ფინალს ესწრება, სადაც ბევრი დამაფიქრებელი ინციდენტი ხდება. ჰოგვორტსის სკოლა კი სიურპრიზით ეგებება მოსწავლეებს: რამდენიმე ასეული წლის შემდეგ პირველად იმართება სამი ჯადოქრის ტურნირი, რომელშიც სამი ჯადოქრული სკოლის ჩემპიონებმა უნდა იბრძოლონ გამარჯვებისთვის. ცეცხლოვანი თასის მიერ ამორჩეულ ჩემპიონებში ყველასთვის მოულოდნელად ჰარი პოტერიც ხვდება და დანარჩენ მონაწილეებთან ერთად სახიფათო და რთული დავალებების შესრულება უწევს, რომელთა დაძლევაც გამარჯვებულს სანუკვარი თასისა და ბევრად დიდი ხიფათისკენ უხსნის გზას...
"ჩვენ შენთან ერთად მოვდივართ, ჰარი" ნევილ ლონგბოტომი
... დერეფნის ბოლოში კარია, რომელიც ჰარი პოტერს ღამეულ კოშმარებში მუდმივად ესიზმრება...
ეს არც ბუა-ს მოახლოებული გამოცდების ბრალია, არც ბნელი ძალებისგან თავდაცვის აუტანელი ახალი მასწავლებლის და არც იმ მძიმე სიტუაციისა, რომელიც ჰოგვორტსში მაგიის სამინისტროს მიერ გამოცემული ძალმომრეობითი დეკრეტების გამოა გამეფებული. ჰარი უპირისპირდება მაგიის სამინისტროს პოლიტიკას, რომელიც ჯიუტად არ აღიარებს ლორდი ვოლდემორის დაბრუნებას. ამავდროულად, ბნელი ბატონი ჯადოქრული სამყაროს გადამწყვეტი ომისთვის ძალებს იკრებს.
„როდესაც თავსატეხის ბოლო გასაღებიც გვექნება, იმედია, ორივესთვის ყველაფერი ნათელი გახდება.“ ალბუს დამბლდორი
ჰოგვორტსში მეექვსე სასწავლო წელი იწყება, ჯადოქრულ სამყაროში კი ბნელი ბატონის აღდგომასა და გაძლიერებასთან დაკავშირებული, ერთიმეორეზე საშინელი ამბები ვრცელდება. ჰარი პოტერი ალბუს დამბლდორთან ერთად ცდილობს, ჩაწვდეს ლორდი ვოლდემორის უკვდავობის საიდუმლოს და გადამწყვეტი ბრძოლისთვის მოემზადოს.
ჰოგვორტსში სწავლა და ცხოვრება თითქოს ჩვეულებრივ გრძელდება. ჰარის შხამ-წამლებში მოულოდნელი დამხმარე ევლინება ნახევარპრინცის წიგნის სახით, ხოლო ბნელი ძალების მსახურნი სკოლის დაპყრობის გზებს ეძებენ.
მთავარი სიტყვა კი იდუმალებით მოცულმა ნახევარპრინცმა უნდა თქვას...
