„გოგონა, რომელიც უნდა მომკვდარიყო“ – შვედი ჟურნალისტისა და მწერლის, დევიდ ლაგერკრანცის მიერ შექმნილი სტიგ ლარსონის „მილენიუმის“ ტრილოგიის გაგრძელება წარმტაცი მოგზაურობაა, რომლის დროსაც მკითხველი ევერესტის მწვერვალსაც დალაშქრავს და რუსული ტროლების ფაბრიკის ლაბირინთებშიც იმოგზაურებს. ლიზბეთ სალანდერი და მიქაელ ბლუმკვისტი სამართლიანობისთვის ბრძოლას აგრძელებენ.
უკვე რამდენიმე თვეა, სალანდერი მიზანს უახლოვდება…
ყველაფერი კი იმით იწყება, რომ მიქაელ ბლუმკვისტის ტელეფონის ნომერს საეჭვო პირობებში გარდაცვლილი უსახლკაროს ქურთუკის ჯიბეში აღმოაჩენენ.
