ჩემთან, თბილისში

ზაალ სამადაშვილის მოთხრობების კრებული, „ჩემთან, თბილისში“, ახლებთან ერთად ძველ მოთხრობებსაც აერთიანებს. ის ჩვენი ქალაქის ერთგვარი ბიოგრაფიაცაა, დაწყებული ალექსანდრ დიუმას მოგზაურობის დროინდელი ტფილისიდან დღემდე, აკინძული სხვადასხვა ასაკის ადამიანების თავგადასავლებითა და თავად ავტორის მეხსიერებაში ჩაბეჭდილი ურბანული სურათებით.

თანამედროვე ქართველი მწერალი ზაალ სამადაშვილი დაიბადა 1953 წელს. გამოცემული აქვს მოთხრობების კრებულები: „როგორც ძველ იტალიურ ფილმებში“, „ბოშები“, „სანდრო კანდელაკის ჩექმა“, „პლეხანოვური ამბები“, „მოთხრობები ბიჭებისთვის“, „ალი გამურულ შუშაში“, „დუეტი“. 2016, 2019 წელს მიღებული აქვს ლიტერატურული პრემია „საბა“.