მისტერ ვილი ვონკა, რომელიც მსოფლიოში საუკეთესო საკონდიტრო ქარხნის მფლობელია, აცხადებს კონკურსს შემდეგი პირობით: ხუთი იღბლიანი ბავშვი, რომელსაც შოკოლადის ფილაში მომგებიანი ბილეთები შეხვდება, შეძლებს ამ საოცარი ქარხნის დათვალიერებას, ხოლო ერთი მათგანი იმდენ შოკოლადს მოიგებს, რომ მთელი სიცოცხლე ეყოფა!
ჩარლი ბაკეტი, პატარა ბიჭი ღარიბ-ღატაკი ოჯახიდან, რომელსაც იმის საშუალებაც კი არა აქვს, რომ ყველაზე უბრალო შოკოლადის კანფეტი შეიძინოს, შემთხვევით პოულობს მომგებიან ბილეთს და ნანატრ ქარხანას ეწვევა.
რას არ ნახავთ მისტერ ვილი ვონკას შოკოლადის ქარხანაში: სრულიად განსხვავებულ, უგემრიელეს და უმშვენიერეს ფილებს, მარადიულ კანფეტებს, ოთხკუთხა ტკბილეულს, რომელიც მრგვალი გეჩვენება, და უამრავ სხვა ჯადოსნურ ნუგბარს.
შეუერთდი ჩარლის და იღბლიანი ბილეთის კიდევ ოთხ მფლობელს, იმოგზაურე ვონკას შოკოლადის ქარხანაში და გაიგე, რა გასაოცარი ამბები გადახდათ თავს ბავშვებს.
მოსწავლის ბიბლიოთეკა ხუთ ასაკობრივ კატეგორიად იყოფა. თითოეულ კატეგორიაში თავმოყრილია შესაბამისი სირთულის ტექსტები. სერიაში შესული არცერთი ნაწარმოები არ არის შემოკლებული.
