ლოგიკური თავსატეხები სხვა ამოცანებისა და სავარჯიშოებისგან განსხვავდება. მისი ამოხსნისას ძალიან მნიშვნელოვანია თავსატეხის პირობის კარგად გააზრება და სწორად გაგება, რაც კონცენტრაციასა და დეტალებზე ყურადღების გამახვილებას მოითხოვს. ამიტომ ლოგიკური თავსატეხების კრებული ბავშვებს არა მარტო ლოგიკური და ანალიტიკური უნარების განვითარებაში, არამედ მეხსიერებისა და აზროვნების გავარჯიშებაშიც დაეხმარება.
მათემატიკის პედაგოგებს შეუძლიათ, ეს წიგნი საბაზო საფეხურის მოსწავლეებთან დამხმარე სახელმძღვანელოს სახით გამოიყენონ.
წიგნის გამოყენება რეკომენდებულია 9 წლიდან, თუმცა ამ ამოცანების ამოხსნა ყველასთვის სახალისო და საინტერესოა.
წიგნს ბოლოში ყველა ამოცანის პასუხი აქვს დართული, რაც ბავშვებს შესრულებული დავალების სისწორის გადამოწმებაში დაეხმარება.
