სიუზენ ელიოზა ჰინტონი საბავშვო და ახალგაზრდული წიგნების ავტორია. კითხვა ბავშვობიდან უყვარდა, ამიტომ გადაწყვიტა, ახალგაზრდა მკითხველებისთვის წიგნი თავადაც დაეწერა. ჰინტონის სადებიუტო რომანი „გარიყულები“ 1967 წელს გამოვიდა, როცა ავტორი სულ რაღაც 19 წლის იყო. წიგნმა ავტორს პოპულარულობა და „ახალგაზრდა თაობის ხმის“ წოდება მოუტანა.
სიუზენ ელიოზა ჰინტონის წიგნები ბავშვებსა და ახალგაზრდებში დღემდე დიდი პოპულარულობით სარგებლობს. ფილმების მოყვარულებმა კი ავტორის ოთხი წიგნის ეკრანიზაცია იხილეს.
