იური ანდრუხოვიჩი დაიბადა უკრაინაში, სტანისლავში (დღევანდელი ივანო-ფრანკივსკი). იგი ცნობილი მწერალი, პოეტი, ესეისტი, მთარგმნელი და ლიტერატურის კრიტიკოსია.
მწერალი განსაკუთრებით პოპულარულია პოლონეთსა და გერმანიაში, სადაც არაერთი ლიტერატურული ჯილდოც აქვს მიღებული. მისი ნაწარმოებები 2000-იან წლებში ინგლისურ ენაზეც ითარგმნა.
ამავე დროს იგი უკრაინის დემოკრატიზაციისა და ევროპული გეზის აქტიური მხარდამჭერია, რაც არაერთხელ განუცხადებია თავის ნაწერებსა და გამოსვლებში.
იური ანდრუხოვიჩი ერთ-ერთი ყველაზე ცნობილი უკრაინელი ავტორია სერგეი ჟადანთან, ოქსანა ზაბუჟკოსა და ანდრეი კურკოვთან ერთად.
