იოკო ოგავა ერთ-ერთი გამორჩეული ხმაა თანამედროვე იაპონურ მწერლობაში. მისი ნაწარმოებები როგორც იაპონურ, ისე მსოფლიოს წამყვან ლიტერატურულ პერიოდიკაში (The New Yorker, A Public Space, Zoetrope: all-Story) 1980-იანი წლებიდან იბეჭდებოდა. დღემდე მწერალმა გამოაქვეყნა 20-ზე მეტი ნაწარმოები და მიიღო თითქმის ყველა მნიშვნელოვანი იაპონური ლიტერატურული პრემია.
ნობელიატი მწერლის, კენძაბურო ოეს შეფასებით: „იოკო ოგავას მშვიდი, თუმცა მძაფრი პროზა ადამიანის ფსიქოლოგიის უნაზეს მხარეებს ასახავს.“
