ქართული როგორც მეორე ენა 5

მოსწავლის წიგნი

მოსწავლის წიგნში წარმოდგენილია მოსწავლეთა ასაკობრივი თავისებურებების გათვალისწინებით დამუშავებული საინტერესო თემატიკის სასწავლო მასალა, რაც უზრუნველყოფს ქართულ ენაზე მოსმენის, კითხვის, ლაპარაკისა და წერითი უნარ-ჩვევების გამომუშავებას, ლექსიკური მარაგის გამდიდრებასა და გრამატიკული კომპეტენციის განვითარებას.

შემოთავაზებულია როგორც ქართული, ასევე მსოფლიო კულტურული რეალიებიდან აღებული საკითხები და, რაც ასევე მნიშვნელოვანია, თვითონ საქართველოს ეთნიკური უმცირესობების კულტურული თავისებურებები.

გიორგი ჭაუჭიძე – ქართულის, როგორც მეორე ენის სახელმძღვანელოს ავტორი:

– ქართული ენის სახელმძღვანელო არის ერთ-ერთი, ალბათ, გადამწყვეტი რესურსი იმისთვის, რომ ჩვენმა თანამოქალაქე ეთნიკური უმცირესობების წარმომადგენლებმა საფუძვლიანად შეისწავლონ სახელმწიფო ენა. ქართული ენის შესწავლის გარდა, წიგნი მრავალფეროვან ცოდნას აძლევს მოსწავლეებს. მინდა გამოვყო ჩვენი სახელმძღვანელოების რამდენიმე ძირითადი მახასიათებელი: თემატური მრავალფეროვნება, რომ შესაფერისი იყოს ამ ასაკობრივი ჯგუფის ბავშვებისთვის. ჩვენს წიგნებში შესული სხვადასხვა მასალა შეეხება უმცირესობათა კულტურულ გარემოს და მათ თავისებურებებს, აგრეთვე გვაქვს თემები, როგორც ქართული, ასევე, მსოფლიო სხვადასხვა კულტურული რეალიიდან აღებული. აქ განხილულია თემატურად და ჟანრობრივად მრავალფეროვანი საკითხები ქართული, კავკასიური და უცხოური კულტურისა და ტრადიციების შესახებ, მოცემულია ცოტა რამ ისტორიაზე, კულინარიაზე, ბუნებისმეტყველებაზე, ასტრონომიასა და ენათმეცნიერებაზეც კი. სახელმძღვანელო ასწავლის მოსწავლეებს, რომ სხვადასხვა ეთნოსსა და ერს განსხვავებულთან ერთად უამრავი რამ აქვს საერთო და რომ საინტერესოა როგორც ეს მსგავსება, ისე განსხვავება. წიგნი რამდენიმე პატარა ნაწყვეტის საშუალებით გვაცნობს სხვადასხვა ქართველ თუ უცხოელ, კლასიკოს თუ თანამედროვე ავტორს.

სახელმძღვანელო ხელს უწყობს იმ ღირებულებებისა და უნარ-ჩვევების ჩამოყალიბებას, რომლებიც წარმოდგენილია ზოგადი განათლების ეროვნულ მიზნებში. კერძოდ, წარმოდგენილი ტექსტების შინაარსი ხელს შეუწყობს მოსწავლის ჩამოყალიბებას ზოგადსაკაცობრიო ღირებულებების მქონე, თავისუფალ პიროვნებად.

სახელმძღვანელოების სანიმუშო გვერდები შეგიძლიათ დაათვალიეროთ აქ:

ქართული მეორე ენა 5

• მოსწავლის წიგნი
• მოსწავლის რვეული
• მასწავლებლის წიგნი
• აუდიო და ვიდეო მასალები

სავარჯიშოების რვეული

სავარჯიშოების რვეულში მოცემული აქტივობები მოსწავლეებს დაეხმარება წიგნში შემოთავაზებული დავალებების სიღრმისეულად გასააზრებლად. სავარჯიშოები ითვალისწინებს, ერთი მხრივ, საკითხავი და მოსასმენი ტექსტების დამუშავებას, მეორე მხრივ, წერითი და ზეპირმეტყველების უნარების განვითარებას.

რვეულში მოსწავლეებს შეუძლიათ ჩანაწერებისა და ჩანახატების თავისუფლად გაკეთება, როგორც ინდიდვიდუალური, ასევე წყვილებში და ჯგუფური მუშაობის ფორმატში.

სასწავლო მიზნით წარმოდგენილი მასალა ემსახურება სტანდარტით გათვალისწინებული საკომუნიკაციო ამოცანების გადაჭრას. მოსწავლეს საშუალება ეძლევა მოსმენილი ტექსტის მიხედვით ამოიცნოს მოსაუბრეთა ურთიერთდამოკიდებულება.

ნინო ჭანკვეტაძე – ქართულის, როგორც მეორე ენის სახელმძღვანელოს ავტორი:

მოსწავლის რვეულში არის სავარჯიშოები:

1. მოსასმენი და საკითხავი ტექსტის სელექციური და დეტალური გაგებისთვის;
2. სავარჯიშოები გრამატიკასა და ლექსიკაზე სამუშაოდ;
3. არის სატრანსფერო დავალებები წერის უნარის განსავითარებლად.

სავარჯიშოები მრავალფეროვანია, ღია და დახურული, ფაქტობრივი და სააზროვნო კითხვებით:

1. ცხრილის შევსება;
2. სიტყვებისა და ფრაზების დაკავშირება;
3. გამოტოვებული ადგილებზე სიტყვების ჩასმა;
4. ფრაზების ერთმანეთთან დაკავშირება;
5. ლექსიკონის დახმარებით სიტყვების მნიშვნელობათა დაზუსტება;
6. მოდელის/ნიმუშის მიხედვით ტექსტის შექმნა;
7. წინადადებების შევსება, პოსტერის/ნახატის შექმნა;
8. როლური თამაში;
9. ვენის დიაგრამა;
10. ლოგიკური და შემოქმედებითი სააზროვნო უნარების განვითარების ხელისშემწყობი აქტივობები;
11. დისკუსიები კრიტიკული აზროვნებისთვის;
12. თავისი ფანტაზიით ზღაპრის დაწერა;
13. სწავლა თამაშით, სწავლა კეთებით.

ყველა მოსასმენი მასალა დაკავშირებულია თემებთან. არის როგორც სპეციალურად შექმნილი ჩანაწერები, ისე ავთენტური ვიდეოებიც. მოსასმენი მასალა, გარდა იმისა, რომ მოსმენის უნარის ავითარებს, ხშირად იმავე ლექსიკურ ერთეულებსა და გრამატიკულ კონსტრუქციებს შეიცავს, რომლებიც დამუშავებულია შესაბამისი თავის საკითხავ ტექსტში.

სახელმძღვანელოების სანიმუშო გვერდები შეგიძლიათ დაათვალიეროთ აქ:

ქართული მეორე ენა 5

• მოსწავლის წიგნი
• მოსწავლის რვეული
• მასწავლებლის წიგნი
• აუდიო და ვიდეო მასალები

მასწავლებლის წიგნი

მასწავლებლის წიგნში გთავაზობთ ეროვნულ სასწავლო გეგმით გათვალისწინებულ ზოგად რეკომენდაციებს ქართულის, როგორც მეორე ენის სწავლა-სწავლების პროცესისთვის. გარდა ამისა, დაწვრილებითაა ახსნილი, თუ როგორ უნდა განხორციელდეს წიგნსა და რვეულში შემოთავაზებული დავალებები და სავარჯიშოები საგაკვეთილო სიტუაციებში.

თითოეული თემის დამუშავებისას შემოთავაზებულია კონკრეტული კომპეტენციების შეფასების რუბრიკები, რომლებიც მასწავლებელს შეუძლია გამოიყენოს როგორც განმავითარებელი, ასევე განმსაზღვრელი შეფასების მიზნით. ასევე, წარმოდგენილია შემაჯამებელი ქვიზების ნიმუშები და საშინაო დავალების შესაძლო ვარიანტები.

მასწავლებლის წიგნში პედაგოგები ნახავენ რეკომენდაციებს დიფერენცირებული სწავლებისა და სასწავლო პროცესში ტექნოლოგიების ჩანერგვის შესახებ, რაც უზრუნველყოფს მოსწავლეთა სათანადო ჩართულობასა და მაღალ შედეგებს.

შემოთავაზებულია როგორც ქართული, ასევე მსოფლიო კულტურული რეალიებიდან აღებული საკითხები და, რაც ასევე მნიშვნელოვანია, თვითონ საქართველოს ეთნიკური უმცირესობების კულტურული თავისებურებები.

გიორგი ჭაუჭიძე – ქართულის, როგორც მეორე ენის სახელმძღვანელოს ავტორი:

– ქართული ენის სახელმძღვანელო არის ერთ-ერთი, ალბათ, გადამწყვეტი რესურსი იმისთვის, რომ ჩვენმა თანამოქალაქე ეთნიკური უმცირესობების წარმომადგენლებმა საფუძვლიანად შეისწავლონ სახელმწიფო ენა. ქართული ენის შესწავლის გარდა, წიგნი მრავალფეროვან ცოდნას აძლევს მოსწავლეებს. მინდა გამოვყო ჩვენი სახელმძღვანელოების რამდენიმე ძირითადი მახასიათებელი: თემატური მრავალფეროვნება, რომ შესაფერისი იყოს ამ ასაკობრივი ჯგუფის ბავშვებისთვის. ჩვენს წიგნებში შესული სხვადასხვა მასალა შეეხება უმცირესობათა კულტურულ გარემოს და მათ თავისებურებებს, აგრეთვე გვაქვს თემები, როგორც ქართული, ასევე, მსოფლიო სხვადასხვა კულტურული რეალიიდან აღებული. აქ განხილულია თემატურად და ჟანრობრივად მრავალფეროვანი საკითხები ქართული, კავკასიური და უცხოური კულტურისა და ტრადიციების შესახებ, მოცემულია ცოტა რამ ისტორიაზე, კულინარიაზე, ბუნებისმეტყველებაზე, ასტრონომიასა და ენათმეცნიერებაზეც კი. სახელმძღვანელო ასწავლის მოსწავლეებს, რომ სხვადასხვა ეთნოსსა და ერს განსხვავებულთან ერთად უამრავი რამ აქვს საერთო და რომ საინტერესოა როგორც ეს მსგავსება, ისე განსხვავება. წიგნი რამდენიმე პატარა ნაწყვეტის საშუალებით გვაცნობს სხვადასხვა ქართველ თუ უცხოელ, კლასიკოს თუ თანამედროვე ავტორს.

სახელმძღვანელო ხელს უწყობს იმ ღირებულებებისა და უნარ-ჩვევების ჩამოყალიბებას, რომლებიც წარმოდგენილია ზოგადი განათლების ეროვნულ მიზნებში. კერძოდ, წარმოდგენილი ტექსტების შინაარსი ხელს შეუწყობს მოსწავლის ჩამოყალიბებას ზოგადსაკაცობრიო ღირებულებების მქონე, თავისუფალ პიროვნებად.

სახელმძღვანელოების სანიმუშო გვერდები შეგიძლიათ დაათვალიეროთ აქ:

ქართული მეორე ენა 5

• მოსწავლის წიგნი
• მოსწავლის რვეული
• მასწავლებლის წიგნი
• აუდიო და ვიდეო მასალები