თანხმობის წარმოება

რედაქტორი: მარინა ყიფშიძე

მასობრივი საინფორმაციო საშუალებები თანამედროვე კაცობრიობის ყოველდღიურ ცხოვრებასა და აზროვნებაზე გადამწყვეტ, ხშირად საბედისწერო ზეგავლენას ახდენს.

მედია, დიდი ხანია, გასცდა ინფორმაციის მიწოდების საზღვრებს და საზოგადოებრივი თუ პოლიტიკური ცხოვრების ყველა სფეროში შეიჭრა. ამ წიგნის ავტორებმა თავდაყირა დააყენეს წარმოდგენა დიდი მედიასაშუალებების მიუკერძოებლობის შესახებ, შექმნეს ნოვატორული ანალიტიკური სქემა და მკითხველს შესთავაზეს ფუნდამენტური ნაშრომი მასმედიაში დამკვიდრებული ტენდენციებისა და ე. წ. „პროპაგანდის მოდელის“ თაობაზე.

ამერიკელი ენათმეცნიერი, ფილოსოფოსი, ისტორიკოსი, პოლიტიკური აქტივისტი და.სოციალური კრიტიკოსი, ნოამ ჩომსკი 1928 წელს დაიბადა პენსილვანიის.შტატში, ქალაქ ფილადელფიაში. მსოფლიოს საუკეთესო.ინტელექტუალთა წრეში აღიარებულ მოაზროვნეს პოლიტიკური.აზროვნების ერთგვარ კანონმდებლად და თანამედროვე.ლინგვისტიკის მამადაც კი მიიჩნევენ. იგი ამჟამად მასაჩუსეტსის.ტექნოლოგიური ინსტიტუტის საპატიო პროფესორი და არაერთი.მნიშვნელოვანი შრომის ავტორია.

საშუალო კლასის ებრაულ ოჯახში აღზრდილი.მომავალი მეცნიერი ბავშვობიდანვე აქტიურად ავლენდა ინტელექტიუალურ.შესაძლებლობებს. ჯერ კიდევ 10 წლის ასაკში სკოლის.გაზეთისთვის დაწერა სტატია, რომელშიც მწუხარებას გამოთქვამდა ესპანეთის.სამოქალაქო ომში რეპუბლიკელების მარცხისა და.ევროპის ქვეყნებში აღმოცენებული ფაშიზმის გამო. 13 წლისა იგი მარტოდმარტო მოგზაურობდა.ნიუ იორკში, სადაც
იოლად პოულობდა სასურველ ლიტერატურას და.უახლოვდებოდა ებრაულ ინტელექტუალურ წრეებს. ჩომსკის შრომებმა, რომლებიც.1950-იანი წლებიდან ქვეყნდებოდა, რევოლუციური გარდატეხა.შეიტანა ლინგვისტიკასა და კოგნიტურ ფსიქოლოგიაში, მასვე მიუძღვის მნიშვნელოვანი წვლილი.მათემატიკისა და კომპიუტერული მეცნიერებების განვითარებაში, თუმცა მეცნიერს.საყოველთაო პოპოულარობა და არაერთი სკანდალი მოუტანა.მისმა პოლიტიკურმა შეხედულებებმა, კერძოდ ეკონომიკური.ელიტების, კაპიტალიზმის, მასმედიისა და ამერიკულ საგარეო.პოლიტიკის მწვავე კრიტიკამ.
დღეისათვის ნოამ ჩომსკი არაერთი მნიშვნელოვანი წიგნის.ავტორია მეცნიერების სხვადასხვა დარგში. მისი ტექსტები ღრმა ცოდნასთან ერთად, დახვეწილი.იუმორით გამოირჩევა.

წიგნი ქართულ ენაზე გამოიცა აშშ-ს საელჩოს მხარდაჭერით.