წიგნში შესულია გივი ჭიჭინაძის ყველა დროის საუკეთესო ლექსები. სახალისო, საუცხოო ილუსტრაციებით გაფორმებული ეს ლექსები თქვენი შვილის პირველ საყვარელი საკითხავ წიგნად იქცევა. 

წიგნის ავტორი - რუსული იმპერიის დაქვემდებარებაში მყოფი საქართველოს ყოფილი მოქალაქე და ჯარისკაცი - უშუალო გამოცდილებით საუბრობს რუსეთზე, როგორც იმპერიალისტურ სახელმწიფოზე. 

"მკითხველი უნდა მოკვდეს“ სამეცნიერო ფანტასტიკის ჟანრს განეკუთვნება. მოქმედება ვითარდება მომავალში, XXII საუკუნის დასაწყისში. მსოფლიო ორად არის გაყოფილი _ მესამე რაიხის იმპერია და მცირე სახელმწიფოები, რომელთაგან ერთ-ერთია ვარმშტადი.

თანამედროვე ამერიკელი მწერლის, სიუზენ კოლინზის ტრილოგია "შიმშილის თამაშები" პირველად 2008 წელს გამოიცა და გამოსვლისთანავე დაიპყრო მსოფლიო თინეიჯერების გულები. წიგნი 27 ენაზე ითარგმნა. მსოფლიო ბესტსელერად ქცეული რომანის პოპულარობა კიდევ უფრო გაიზარდა მას შემდეგ, რაც მსოფლიო კინოეკრანებზე მის მიხედვით გადაღებული ფილმი გამოვიდა.

მარი ბექაურის მოთხრობების კრებული "ელექტროთაობა" 10 მოთხრობას აერთიანებს, ესენია: დები, იაკობი, ლევ, ლიტვური ვოიაჟი, ჩემი მეზობლები და მეგობრები, ამ ბავშვს, სახლი დედესთვის, ელექტროთაობა, ბავშვობა, როგორიც სინამდვილეშია, AS THE SQUARES OF HOPSCOTCH

18 ноября 1983 года несколько молодых людей попытались угнать самолёт из Советского Союза в Турцию. Среди похитителей были студенты Тбилисских ВУЗ, что и повлияло на трагический исход этого события.

ამ წიგნში გაეცნობი გამბედავი, ავანტიურისტი მოგზაურების დაუჯერებელ ისტორიებს: ვინ შეება ყინულოვანი პოლუსების სიცივეს, ვინ გაბედა უწყლო უდაბნოების, ნიანგებით სავსე მდინარეებისა და თვალუწვდენელი ოკეანეების გადაკვეთა, ვინ, როდის და როგორ აღმოაჩინა დღეისათვის მსოფლიოში ყველაზე ცნობილი ადგილები და კიდევ რის აღმოჩენა შეიძლება მომავალში.

ძვირფასო მშობლებო და მასწავლებლებო, მადლობას გიხდით "ცხოველების ანბანის" შეძენისთვის. სამ თამაშს, რომელთაც ჩვენ გთავაზობთ, მთელ მსოფლიოში სიამოვნებით თამაშობენ არა მარტო ბავშვები, არამედ უფროსებიც. ამას გარდა, "ცხოველების ანბანი" შესანიშნავი დამხმარე საშუალებაა  საბავშვო ბაღისა და დაწყებითი სკოლის მასწავლებლებისათვის. კოლოფში ბარათების ორი კომპლექტია. თითოეული კომპლექტი შედგება 33 ბარათისაგან, რომლებზეც გამოსახულია ცხოველები: აქლემი, ბუზი, გველი, დელფინი, ენოტი, ვირი, ზღარბი, თუთიყუში, იხვი, კიბორჩხალა, ლომი, მარტორქა, ნიანგი, ობობა, პინგვინი, ჟირაფი, რვაფეხა, სპილო, ტახი, ურჩხული, ფუტკარი, ქათამი, ღორი, ყვავი, შველი, ჩხიკვი, ცხენი, ძროხა, წერო, ჭიამაია, ხვლიკი, ჯიხვი და ჰიპოპოტამი. ბარათებს აწერია ქართული ანბანის შესაბამისი ასოები. 

მსოფლიო ლიტერატურის ეს ერთ-ერთი უმაღლესი ქმნილება სიმბოლურ-ალეგორიული ნაწარმოებია, რომელშიც ადამიანური არსის შეცნობის პრობლემა, ღვთიურისაკენ მისი სწრაფვა მრავალფეროვანი ლიტერატურული ხერხებითაა დახატული. დოქტორ ფაუსტსა და მეფისტოფელს კრიტიკოსთა ერთი ნაწილი სიკეთისა და ბოროტების მარადიული ჭიდილის სიმბოლოდ, მეორე – ერთი და იმავე მოაზროვნე გონის ორ ურთიერთდაპირისპირებულ მხარედ მიიჩნევს. საინტერესო, დრამატული ფაბულა და სულისშემძვრელი ტექსტი დღემდე აღაფრთოვანებს ლიტერატურის მოყვარულებს. ამჯერად ქართველ მკითხველს საშუალება აქვს, დავით წერედიანის ახალი თარგმანით კიდევ ერთხელ, უკეთ გაიცნოს მსოფლიო ლიტერატურის შედევრი.