ამ მშვენიერ წიგნში შესულია უძველეს ეპოქაში შექმნილი რჩეული ქართული მითები. ბავშვებისათვის მოკლედ, გასაგები ენით დაწერილი, საუცხოო ილუსტრაციებით გაფორმებული ეს მითები თქვენი შვილის საყვარელ საკითხავ წიგნად იქცევა.

სანამ დედა მუმინს შეხვდებოდა და ოჯახს შექმინდა, მამა მუმინს თავგადასავლებით სავსე ცხოვრება ჰქონდა, რომელზეც აქამდე არასოდეს უსაბრია.  ახლა ის ავად გახდა და ფიქრობს, საუკეთესო დროა იმისთვის, რომ თავისი ცხოვრების შესახებ გვიამბოს. 
„მამა მუმინის მემუარები“ პირველად გამოიცა ქართულ ენაზე.

ძველი ბერძნების რწმენით, ყველა სფეროს ცალკე ღმერთი განაგებდა. ღმერთები საბერძნეთის ყველაზე მაღალ მთაზე, ოლიმპოზე ცხოვრობდნენ და იქიდან მართავდნენ კაცთა ცხოვრებას, თუ - როგორ, ამას ,,ილუსტრირებული ბერძნული მითების'' შესანიშნავ კრებულში წაიკითხავთ. ამ წიგნით მოხვდებით მითების უაღრესად მრავალფეროვან სამყაროში, რომელსაც ყველა განათლებული ადამიანი უნდა იცნობდეს.

წიგნში შესულია ექვსი ყველაზე ცნობილი მითის ადაპტირებული ვერსიები:

¤ ტროის ცხენი

¤ მინოტავრის მითი

¤ ბელეროფონტი და პეგასი

¤ ჰერაკლეს 12 გმირობა

¤ პერსევსი და გორგონა

¤ ოდისეა

ჩხიკვი ზაქარა და ჩხიკვი ქეთევანი ჯვარს იწერდნენ. შეიყარა ფრინველთა გუნდი და ქორწილი გაიმართა. ამ წვეულებაზე ყვავილებიც კი დაპატიჟეს. ფრინველთა მეფის მოწვევა კი რატომღაც ყველას გადაავიწყდა...

შობის დღესასწაულს თურმე თგვების სამეფოშიც აღნიშნავენ, მაგრამ წლევანდელ დღესასწაულზე მათ ხიფათი ელით. ძია ესტატემ ქალაქიდან სათაგური ჩამოიტანა, ეფემიამ კი ეს ძვირფასი ნივთი მაშინვე განჯინაში მოათავსა... 

გადაშალე ეს მშვენიერი წიგნი და გაიცანი მხიარული შინაური ცხოველები. იცი, რა ხმებს გამოსცემენ ბატკანი, ვირი და ფერმის სხვა ბინადრები? წაიკითხე, როგორ ცხოვრობენ ისინი სოფლად და ღილაკების დახმარებით მოუსმინე მათ ხმებს.

უკვე გამოცდილი და სახელოვანი დეტექტივი კალე ბლუმკვისტი შვედეთის ერთ პატარა და მოსაწყენ ქალაქში ცხოვრობს; ანდერსთან და ევა–ლოტასთან მეგობრობს და თეთრი და ალისფერი ვარდების ტრადიციულ, საზაფხულო ,,ომებშიც'' აქტიურად მონაწილეობს... თუმცა, ერთ მშვენიერ ღამეს ის და მისი მეგობრები უნებლიე თვითმხილველები ხდებიან საშინელი დანაშაულისა – უცნობი ადამიანები პირდაპირ სახლიდან იტაცებენ ქალაქში სტუმრად ჩამოსულ პატარა რასმუსსა და მის პროფესორ მამას.

ლოტა პატარა გოგოა და თავის და–ძმასთან და მშბლებთან ერთად სინამდვილეში აურზაურის კი არა, მექოთნეების ქუჩაზე ცხოვრობს. ამ ქუჩას ასე ლოტას მამა ეძახის, რადგან მიაჩნია, რომ თვისი შვილების გამო აქ სულ აურზაურია. ლოტა მართლაც რომ ერთი ,,აურზაურა'' გოგოა – ჯერ სკოლაშიც არ დადის, მაგრამ უკვე მარტო ცხოვრებაზე ფიქრობს და ბინასაც კი პოულობს. როგორ? წაიკითხეთ ეს სასაცილო და კეთილი ამბავი და თავადაც დარწმუნდებით, რომ ჯიუტი და ონავარი ლოტა, რომელიც არა მარტო და–ძმას, ხშირად თავის დედიკოსაც აბრაზებს, მაინც ძალიან გულკეთილი და საყვარელი გოგოა. 

ეწვიე ზღაპრების სასახლეს ოთხ პატარა ფერიასთან ერთად და გაატარე ჯადოსნური საღამო: ნახე მძინარე მზეთუნახავი, ივახშმე კონკიას სამზარეულოში და იპოვე სასახლის სხვადასხვა ოთახში მიმოფანტული შენი საყვარელი ზღაპრების გმირები.

ბარონი მიუნჰაუზენი - დიდცხვირა, ჩია ბერიკაცი ნამდვილად ცხოვრობდა გერმანიაში XVIII საუკუნეში და მართლაც უყვებოდა თავის მეზობლებს საოცარ ისტორიებს. ამ ცრუპენტელა ბარონის დაუჯერებელი ამბები რუდოლფ ერიხ რასპემ შეკრიბა და წიგნად გამოსცა. ეს წიგნი დროთა განმავლობაში საბავშვო კლასიკად იქცა, ბარონი მიუნჰაუზენი ბავშვების საყვარელი გმირი გახდა და აგერ უკვე მერამდენე თაობას აკვირვებს და ამხიარულებს თავისი არაჩვეულებრივი თავგადასავლებით.