ბაკურ სულაკაურის გამომცემლობა

  • ბენეფისი არტურ შნიცლერი 

    ავსტრიელი პროზაიკოსი და დრა­მა­ტურგი არტურ შნიცლერი (1862-1931), განათლებით ექიმი, იშვიათი წარმატებით უთავსებდა ერთმანეთს სამედიცინო და სამწერლო მოღვაწეობას. 1880-იანი წლების მეორე ნახევარში გამოაქვეყნა თავისი პირველი მოთხრობები და პიესები და მალე „იმპრესიონიზმად“ მონათლული ლიტერატურუ­ლი მიმართულების ერთ-ერთ თვალსაჩინო წარმომადგენლადაც იქცა. 

    კალათში დამატება ფასი: 10.9 ლარი
  • მოდერატო კანტაბილე მარგერიტ დიურასი 

    მარგერიტ დიურასის 1958 წელს გამოქვეყნებულ "მოდერატო კანტაბილეს" დიდი აურზაური და ურთიერთსაწინააღმდეგო რეცენზიები მოჰყვა. ზოგი კრიტიკოსი აცხადებდა, შეუძლებელია, ამას წიგნი ვუწოდოთო. ზოგი კი წერდა, "მოდერატო კანტაბილე" ყველაზე სრულყოფილი წიგნია, რომელიც კი მადამ დიურასს ოდესმე დაუწერიაო.

    "მოდერატო კანტაბილე" მკითხველსაც თვალისმომჭრელ სიმართლეს – სიკვდილის გარდაუვლობას, სიყვარულისა და ვნების ფატალურობას აგრძნობინებს.

    კალათში დამატება ფასი: 8.9 ლარი
  • თხზულებანი #20

    გაიუს სალუსტიუს კრისპუსი (ძვ. წ. 86-35 წწ.) დაიბადა იტალიის პატარა ქალაქ ამირტენუმში, პლებეური წარმოშობის ოჯახში. დაწყებითი განათლება მომავალმა მწერალმა იქვე მიიღო და რიტორიკასა და ფილოსოფიაში დასახელოვნებლად გადასახლდა რომში. სალუსტიუსმა პოლიტიკურ სარბიელზეც სცადა ბედი. როგორც პოპულარების მხარდამჭერი, ციცერონს და მის დაჯგუფებას დაუპირისპირდა. მოიპოვა რა იულიუს კეისრის კეთილგანწყობა, ძვ. წ. 52 წელს მიიღო სახალხო ტრიბუნის თანამდებობა. კეისრის სიკვდილის შემდეგ სალუსტიუსმა თავი დაანება პოლიტიკურ სარბიელს და სამწერლოს დაუბრუნდა. მის პირველ ნაწარმოებში "კატილინას შეთქმულება" აღწერილია ისტორია ლუკიუს სეგიუს კატილინას შეთქმულებისა. მის კალამს ეკუთვნის ასევე "ომი იუგურთასთან", რომელშიც რომსა და ნუმიდიის მეფე იუგურთას (113-104 წწ.) შორის გამართულ ომზეა მოთხრობილი და "ისტორია", რომლის მხოლოდ ცალკეულმა მონაკვეთებმა მოაღწია ჩვენამდე.

    კალათში დამატება ფასი: 12 ლარი
  • სიტყვები და დიალოგები #19 მარკუს ტულიუს ციცერონი 

    მარკუს ტულიუს ციცერონი (ძვ. წ. 106-43 წწ.) ძველი რომაელი პოლიტიკური მოღვაწე, ორატორი და მწერალია. იგი რომის მახლობელ ქალაქში, არპინუმშია დაბადებული, მხედართა წრიდან გამოსულ ოჯახში. ციცერონის ლიტერატურული მემკვიდრეობიდან გამოირჩევა მისი სიტყვები: მათგან 56-მა თითქმის მთლიანად მოაღწია ჩვენამდე. ციცერონი გვევლინება როგორც ბერძენი ფილოსოფოსების განმმარტებელი; მანვე ჩაუყარა საფუძველი რომაელების ფილოსოფიურ ენას. მისი ფილოსოფიური ტრაქტატებია: "მოვალეობის შესახებ", "სიკეთისა და ბოროტების ზღვარის შესახებ”, `"ღმერთების ბუნების შესახებ" და სხვ. მასვე ეკუთვნის ტრაქტატები პოლიტიკაზე: "სახელმწიფოს შესახებ", "კანონების შესახებ". ციცერონის შემოქმედებაში განსაკუთრებული ადგილი უჭირავს მის წერილებს. სულ 864 წერილია (აქედან 90 მისადმი მიწერილი). ეს წერილები სერიოზული და სანდო წყაროა რომის სამოქალაქო ომის პერიოდის შესახებ.

    კალათში დამატება ფასი: 12 ლარი
  • ელინისტური და რომაული კომედია #18

    მენანდროსი (ძვ. წ. 342-292 წწ.) ახალი, ატიკური კომედიის ერთერთი ფუძემდებელია. მისი მთავარი დამსახურება ისაა, რომ მან შექმნა კომედიური ხასიათი, გამოკვეთა ადამიანის სულიერი და ფსიქოლოგიური მხარეები. მისი პიესებიდან აღსანიშნავია "სამოსელი ქალი", "გმირი" და სხვ. მენანდროსმა მნიშვნელოვანი გავლენა მოახდინა რომაული კომედიის ჩამოყალიბებაზე.

    ტიტუს მაკკიუს პლავტუსი (ძვ. წ. 250-184 წწ.) რომაული კომედიის ფუძემდებელია. იგი დაბადებულა უმბრიის ქალაქ სარსინაში, ხოლო გარდაცვლილა რომში. ჩვენამდე პლავტუსის 21-მა კომედიამ მოაღწია. მათგან ყველაზე ცნობილია "ამფიტრიო", "მოჩვენება", "ფსევდოლუსი" და სხვ.

    პუბლიუს ტერენციუს აფერი (ძვ. წ. 195 ან 185 წ. კართაგენი, – 160 წ. საბერძნეთი) რომაელი კომედიოგრაფია. მან ახალი ატიკური კომედიების საფუძველზე შექმნა 6 კომედია. "საჭურისი", რომელიც დიდი პოპულარობით სარგებლობდა თანამედროვეთა შორის, მენანდროსის ორი კომედიის – "საჭურისისა" და "ქლესას" გაერთიანებითაა მიღებული.

    კალათში დამატება ფასი: 12 ლარი
  • თეოგონია. ბაყაყებისა და თაგვების ომი. არგონავტიკა #17 ჰესიოდე   აპოლონიოს როდოსელი 

    ჰესიოდე (ძვ. წ. VIII-VII სს.) ჰომეროსთან ერთად ითვლება ბერძნული ეპიკური პოეზიის მამამთავრად. იგი გეომეტრიულიდან არქაიკაზე გარდამავალი ეპოქის პოეტია. მისი სახელით სრულად მოღწეულია ორი პოემა – "თეოგონია" და "სამუშაონი და დღენი". ჰესიოდესთან, პირველად ბერძნულ პოეზიაში, შეინიშნება მიდრეკილება მოვლენათა ავტორისეული შეფასებებისაკენ.

    "ბაყაყებისა და თაგვების ომი" ("ბატრაქომიომაქია") პაროდიული ეპოსია. ძველი საბერძნეთის ეპიკური პოეზიის ამ მინიატურული პოემის ავტორად ასახელებენ ვინმე პიგრესს, კარიის დედოფალ არტემისიას ძეს. მეცნიერთა უმეტესობა `ბატრაქომიომაქიის~ შექმნის თარიღად ძვ. წ. V საუკუნეს აღიარებს.

    აპოლონიოს როდოსელი (ძვ. წ. 295-215 წწ.) ძვ. ბერძენი პოეტი და მეცნიერი, დაიბადა და აღიზარდა ალექსანდრიაში. მოღვაწეობდა ალექსანდრიის ბიბლიოთეკაში. იყო კალიმაქეს მოწაფე. მას ეკუთვნის ეპიგრამები, პატარა ეპიკური პოემები. სრული სახით მოღწეულია მისი "არგონავტიკა" – დაქტილური ჰეგზამეტრით გამართული მონუმენტური პოემა, რომელიც არგონავტების თქმულებებზეა აგებული.

    კალათში დამატება ფასი: 12 ლარი
  • თხზულებანი #16 ქსენოფონი  

    ქსენოფონი (ძვ. წ. 430-355 წწ.) ძვ. ბერძენი ისტორიკოსი, სწავლული და მხედართმთავარი, ათენის არისტოკრატული გვარის ჩამომავალი, სოკრატეს მოწაფე იყო. მონაწილეობდა პელოპონესის ომში (ძვ. წ. 431-404 წწ.). ათენში ოცდაათი ტირანის ოლიგარქიული მმართველობის დამხობის შემდეგ დატოვა ათენი და სპარსეთში გადაიხვეწა. მონაწილეობა მიიღო არტაქსერქსესის წინააღმდეგ ლაშქრობაში, რომელიც კიროს უმცროსმა მოაწყო. სპარსელი უფლისწულის დამარცხების შემდეგ (ძვ. წ. 401 წ.) ქსენოფონმა თავის თავზე აიღო ბერძენთა დაქირავებული ჯარის უკან დაბრუნების ხელმძღვანელობა, რომელიც აღწერა კიდეც "ანაბასისში". თითქმის ყველა მისმა თხზულებამ მოაღწია ჩვენამდე. ქსენოფონის მთავარი საისტორიო თხზულება "საბერძნეთის ისტორია" (7 წიგნად) თუკიდიდეს შრომის გაგრძელებაა და 411-362 წლების ამბებს მოიცავს. აღსანიშნავია მისი ფილოსოფიურ-დიდაქტიკური ხასიათის ნაწარმოებები: "მოგონებები სოკრატეს შესახებ", "სოკრატეს აპოლოგია", "ნადიმი" და სხვ.

    კალათში დამატება ფასი: 12 ლარი
  • რუკა და ტერიტორია მიშელ უელბეკი 

    მიშელ უელბეკის წიგნი, გონკურის პრემიის მფლობელი რომანი "რუკა და ტერიტორია" თითქოს განსხვავდება ავტორის სხვა წიგნებისგან, თითქოს უელბეკი თავის თავს არ ჰგავს, აღარ იტყუებს მკითხველს სექსუალური ტურიზმითა და სხვა მსგავსი თემებით, მაგრამ ეს მხოლოდ ერთი შეხედვით. სინამდვილეში რომანის წაკითხვის შემდეგ მკითხველს კვლავ ეუფლება უელბეკისეული დეპრესიული განწყობა.

    კალათში დამატება ფასი: 10.9 ლარი
  • თოვლი ორჰან ფამუქი 

    "ეს რომანიც პოსტმოდერნისტულია. მე არ გეუბნებით, აი, სიმართლე, აი, რეალობა-მეთქი. მე ვწერ იმას, რაც უბრალოდ სარკეში ირეკლება და როგორც შემიძლია, ვკამათობ ამაზე." ორჰან ფამუქი

    კალათში დამატება ფასი: 10.9 ლარი
  • დეიდა ხულია და სცენარისტი მარიო ვარგას ლიოსა 

    "დეიდა ხულია" ავტორის ბიოგრაფიულ მომენტებზე დაფუძნებული რომანია: 19 წლის მწერალს, რომანის გმირისა არ იყოს, ბიძამისის ცოლი, 10 წლით უფროსი ხულია შეუყვარდა და ცოლად შეირთო. ისინი თითქმის ცხრა წელიწადს ცხოვრობდნენ ერთად. მოგვიანებით კი ლიოსამ დაწერა რომანი, რომელშიც, როგორც მკვლევრები წერენ, ავტორი სწორედ ამ ურთიერთობებზე მოგვითხრობს.

    კალათში დამატება ფასი: 9.9 ლარი