ბაკურ სულაკაურის გამომცემლობა

  • ყველა ნათელი ადგილი ჯენიფერ ნივენი 

    სიყვარულის ამ ისტორიაში გოგო ცხოვრებას სწავლობს ბიჭისგან, რომელიც სიკვდილს აპირებს. თუმცა ეს წიგნი არ არის ბანალური სიყვარულის ისტორია, არამედ ეხება ისეთ მნიშვნელოვან თემებს როგორიცაა მენტალური დაავადებები, საყვარელი ადამინის დაკარგვით გამოწვეული მწუხარება და დანაშაულის შეგრძნება, საზოგადოების გულგრილობა, თვითმკვლელობა და ა.შ. ჯენიფერ ნივენის „ყველა ნათელი ადგილი" 2015 წელს Goodreads-ის რჩეული გახდა თინეიჯერული ლიტერატურის კატეგორიაში. 2017 წელს წიგნის ეკრანიზაციას ვიხილავთ.

    კალათში დამატება ფასი: 14.9 ლარი
  • მიდი, დააყენე დარაჯი ჰარპერ ლი 

    დოქტორი ფინჩის ეს სიტყვები რომანში ასახულ პრობლემატიკას განსაზღვრავს. ლეგენდარული  "ნუ მოკლავ ჯაფარას" მთავარი გმირი, ნიუ-იორკში განათლებამიღებული ჯინ ლუიზი დროებით უბრუნდება თავის მშობლიურ მეიკომს, ტიპურ სამხრეთულ ქალაქს, სადაც უმწვავეს პრობლემას აწყდება. ეს არის კონფლიქტი პიროვნების სინდისსა და საზოგადოებაში დამკვიდრებულ აზროვნებას შორის; ეს არის კერპების მსხვრევის ხარჯზე საკუთარი „მეს“ აღმოჩენის მტკივნეული ხანა. ახალგაზრდა ქალი დილემის წინაშე დგება – შეეგუოს რასობრივი დისკრიმინაციით გაჯერებულ რეალობას, რომლის ნაწილიც მისი სათაყვანებელი მამა და ახლობლებიც აღმოჩნდნენ, თუ წინ აღუდგეს მას. 

     

    ახალბედა მწერლის მგზნებარებით გამორჩეული ეს რომანი, 50 წლის განმავლობაში დაკარგული და 2015 წელს აღმოჩენილი, უფრო ადრე დაიწერა, ვიდრე "ნუ მოკლავ ჯაფარას", თუმცა მოქმედება 20 წლის შემდეგ ვითარდება. 

     

    ჰარპერ ლი ჩვეული იუმორითა და ირონიით გვიხატავს ამერიკის სამხრეთში  გაღვივებულ რასობრივ პრობლემას და მასთან ბრძოლის წყურვილით აღტყინებული ახალგაზრდა ქალის განცდებს. 

    კალათში დამატება ფასი: 14.9 ლარი
  • იმედის სხივთა კრებული მეთიუ ქუიქი 

    ესაა ამბავი ისტორიის ყოფილი მასწავლებლისა და კალათბურთის მწვრთნელის – ახალგაზრდა პეტ ფიფოლსის შესახებ, რომელიც ბალტიმორის ფსიქიატრიული კლინიკიდან წამოსვლის შემდეგ საცხოვრებლად მშობლების სახლში ბრუნდება. იგი ცდილობს, აკვიატებად ქცეული „განშორების დრო“, რომელიც, მისი აზრით, ყოფილმა ცოლმა, ნიკიმ დაუწესა, საკუთარი თავის გამოსწორებასა და ნიკის დაბრუნების მცდელობაში დახარჯოს, ამიტომ მთელ დღეს ფიზიკურ ვარჯიშს უთმობს. პეტს, რომელსაც ბიპოლარული აშლილობის დიაგნოზი აქვს, ოჯახი და მეგობრები ეხმარებიან. მის ცხოვრებაში გამოჩენილი ახალი მეგობარი ტიფანი კი ყველანაირად ცდილობს, რეალობა, რომელსაც პეტი მთელი მონდომებით გაურბის, მთელი სიცხადით დაანახოს, რათა მან, ბოლოს და ბოლოს, ახალი ცხოვრება დაიწყოს. 

    კალათში დამატება ფასი: 13.9 ლარი
  • ვერნონ გენიოს ლითლი დიბისი პიერი 

    ტეხასის პატარა ქალაქ მარტირიოში შემაძრწუნებელი ტრაგედია დატრიალდა. ერთ-ერთ სკოლაში ცეცხლსასროლი იარაღით 18 მოსწავლე მოკლეს. თანაკლასელთა მკვლელობაში ეჭვმიტანილია 15 წლის ვერნონ გრეგორი ლითლი, მანამდე არაფრით გამორჩეული მოსწავლე. პოლიცია და საზოგადოება ვერნონისგან დანაშაულის აღიარებას მოითხოვენ, სასამართლო სიკვდილს მიუსჯის, მასმედია კი ცდილობს, იგი ახალი ლაივშოუს გმირად აქციოს...

    ლიტერატურული კრიტიკის მიერ 21-ე საუკუნის ყველაზე შთამბეჭდავ დებიუტად აღიარებული „ვერნონ გენიოს ლითლის“ ავტორმა, ავსტრალიელმა დიბისი პიერმა ამ რომანისთვის 2003 წლის ბუკერის პრემია მიიღო.

    კალათში დამატება ფასი: 13.9 ლარი
  • რა შეემთხვა ღამით ძაღლს და სხვა უცნაური ამბები მარკ ჰედონი 

    თხუთმეტი წლის კრისტოფერ ჯონ ფრენსის ბუნმა ზეპირად იცის მსოფლიოს ყველა ქვეყნის დედაქალაქი, ყველა მარტივი რიცხვი 7057-მდე და უამრავი სხვა რამ. ბიჭს ძალიან უყვარს და ეცოდება ცხოველები, აი, ადამიანებისა და მათი გრძნობებისა კი ბევრი არაფერი გაეგება; ვერ იტანს შეხებას და კიდევ – ყვითელ ფერს. ერთ ღამეს კრისტოფერი მეზობლის ძაღლს მკვდარს პოულობს და იწყებს გამოძიებას, რომლის დროსაც ბიჭი უამრავ სიძნელეს გადაიტანს და ბევრ საიდუმლოს ამოხსნის. 

    "რა შეემთხვა ღამით ძაღლს და სხვა უცნაური ამბები" ბრიტანელი მწერ­ლის, ილუსტრატორისა და სცენარისტის, მარკ ჰედონის გახმაურებული წიგნია. ავტორი ახალგაზრდობაში რამდენიმე წელი მუშაობდა აუტისტური სპექტრის ბავშვებთან, რამაც განაპირობა ასპერგერის სინდრომის მქონე კრისტოფერ ბუნის პერსონაჟის დამაჯერებლობა. წიგნი უიტბრედის ლიტერატურული პრემიის გამარჯვებულია; ასევე მიღებული აქვს "გარდიანის" პრემია, როგორც საუკეთესო საბავშვო რომანს, და მრავალი სხვა პრიზი. ავტორი ბუკერის პრემიის კანდიდატების თავდაპირველ სიაშიც მოხვდა. 

    კალათში დამატება ფასი: 11.9 ლარი
  • ვამპირის დღიურები - გამოღვიძება ლ.ჯ. სმითი 

    ფელს ჩერჩის სკოლის ყველაზე პოპულარული გოგოს, ელენა გილბერტის გულს ქალაქის ახალი მკვიდრი, იდუმალი და სიმპათიური სტეფან სალვატორე იპყრობს, თუმცა ყმაწვილი ელენას ყურადღებას არ აქცევს. გოგონა მეგობრებთან ერთად ფიცს დებს, რომ რადაც უნდა დაუჯდეს, ბიჭს ხელში ჩაიგდებს. ქალაქში კი მდგომარეობა თანდათან იძაბება: სალვატორეს უფროსი და თავზეხელაღებული ძმა, დეიმონი, სტეფანზე შურისძიებას გეგმავს. 

    სალვატორეების იდუმალი ოჯახი, უჩვეულო თავდასხმები, მკვლელობა ჰელოუინის წვეულებაზე, შავსამოსიანი უცნობი და უზარმაზარი ყვავი, რომელიც თვალს არ აშორებს, გოგონას მოსვენებას უკარგავს.

    „ვამპირის დღიურები" ლიზა ჯეინ სმითის ფენტეზის ჟანრის რომანია, რომლის პირველი ნაწილი – „გამოღვიძება" პირველად 1991 წელს დაიბეჭდა.  2009 წელს წიგნის მიხედვით ტელესერიალის პირველი სეზონი გადაიღეს, რომელმაც მთელ მსოფლიოში მილიონობით მაყურებლის გული დაიპყრო. ქართულ ენაზე წიგნი პირველად ითარგმნება. 

    კალათში დამატება ფასი: 9.9 ლარი
  • თერთმეტი წუთი პაულო კოელიო 

    ბრაზილიელი მეძავი მარია, რომელიც ბედის წყალობითა თუ ირონიით შვეიცარიაში ცხოვრობს და მდიდარ მამაკაცებს ემსახურება, ბევრი ფულის შოვნასა და დარჩენილი დროის მშვიდად გატარებაზე ოცნებობს. თუმცა მან, უპირველეს ყოვლისა, ცხოვრებისა და საკუთარი თავისადმი დამოკიდებულება უნდა შეცვალოს, იპოვოს ადამიანი, რომლის შეყვარებასაც შეძლებს. 

     

    „თერთმეტი წუთი“ უფროსებისთვის განკუთვნილი ერთგვარი ზღაპარია, რომელიც მარიას ცხოვრების მაგალითზე ცდილობს, დაკვირვებით შეისწავლოს სექსისა და სიყვარულის ბუნება, სულის ურთიერთობა სხეულთან და მათ შორის ჰარმონიის დამყარების რთული გზები. 

     

    "ჩემი მიზანია, გავიგო, რა არის სიყვარული. როცა მიყვარდა, ვგრძნობდი, რომ ვცოცხლობდი, ის კი, რაც ახლა ხდება, შეიძლება საინტერესო იყოს, მაგრამ შთაგონება არ მოაქვს."

    კალათში დამატება ფასი: 10.9 ლარი
  • ზაჰირი პაულო კოელიო 

    აღიარებული და სახელგანთქმული მწერალი ერთ დღეს აღმოაჩენს, რომ მისი ცოლი, რომელიც სამხედრო კორესპონდენტია, უკვალოდ გაქრა. რა ბედი ეწია მას: გაიტაცეს, თავდასხმას ემსხვერპლა თუ უბრალოდ ქორწინებით უკმაყოფილო იყო და გაიქცა? ამ კითხვებზე პასუხების საძიებლად იწყებს მოგზაურობას მთავარი გმირი, თუმცა მიმართულებას წინასწარ არც გვიმხელს.

     

    სწორედ ამ მოგზაურობის ისტორიაა „ზაჰირი“ – მსოფ­ლიოს სხვადასხვა ადგილში მოხეტიალე მამაკაცის მცდელობა, მიაღწიოს დანიშნულების ადგილს, რომელიც შეიძ­ლება არც არსებობდეს. დაკარგული სიყვარულის ძიებაში მამაკაცი ბევრ საჭირო და მოულოდნელ ცხოვრებისეულ დასკვნას გააკეთებს.

     

    "სიყვარული ავადმყოფობაა, რომლისგან განთავისუფლება არავის სურს. ის, ვინც ერთხელ მაინც მოექცა მის მარწუხებში, თავის დახსნას აღარ ცდილობს; ვინც იტანჯება, განკურნება აზრადაც არ მოსდის..."

     

    კალათში დამატება ფასი: 10.9 ლარი
  • მისტერიები კნუტ ჰამსუნი 

    სერიაში „ლიტერატურული ოდისეა“ თავმოყრილია მრავალი ქვეყნის თანამედროვე და კლასიკური მხატვრული ნაწარმოებები, რომლებსაც მსოფლიოში უკვე კარგად იცნობენ და რომელთა უმეტესობაც ქართულ ენაზე პირველად ითარგმნება.

     

    ცნობილი ნორვეგიელი მწერალი, 1920 წლის ნობელის პრემიის ლაურეატი კნუტ ჰამსუნი (პედერსენი) ქართველი მკითხველისთვის კარგად ნაცნობი და საყვარელი ავტორია. იგი 1859 წელს, სოფელ ჰამსუნდში, ხელმოკლე გლეხის ოჯახში დაიბადა. როგორც მწერალს, აღიარება ჰამსუნს პირველმა რომანმა, 1890 წელს გამოცემულმა „შიმშილმა" მოუტანა. 1892 წელს კი გამოვიდა მისი მეორე რომანი – „მისტერიები", რომელსაც კრიტიკოსები მწერლის საუკეთესო ნაწარმოებად მიიჩნევენ.

    მე-19 საუკუნის მიწურულს გამოქვეყნებულ ამ ფსიქოლოგიურ, მოდერნისტულ რომანში მე-20 საუკუნეში ფართოდ გავრცელებული ფილოსოფიური შეხედულებები იჩენს თავს. ესაა რომანი ადამიანის შინაგან კონფლიქტებზე და მის ადგილზე გარესამყაროში, რომლის მთავარი პერსონაჟი – არაორდინალური, გაორებული და მარტოსული ნაგელი სიყვარულის მუდმივი, დაუსრულებელი მისტერიითაა შეპყრობილი.

    კალათში დამატება ფასი: 11.9 ლარი
  • ლოლიტა ვლადიმირ ნაბოკოვი 

    სერიაში „ლიტერატურული ოდისეა“ თავმოყრილია მრავალი ქვეყნის თანამედროვე და კლასიკური მხატვრული ნაწარმოებები, რომლებსაც მსოფლიოში უკვე კარგად იცნობენ და რომელთAა უმეტესობაც ქართულ ენაზე პირველად ითარგმნება.

     

    ვლადიმირ ნაბოკოვი – XX საუკუნის ერთ-ერთი გამორჩეული და სკანდალური მწერალი – რუსეთის იმპერიაში, სანქტ-პეტერბურგში დაიბადა. 1919 წელს მწერლის არისტოკრატული ოჯახი ემიგრაციაში წავიდა; ინგლისსა და გერმანიაში ახალგაზრდა ნაბოკოვი პოეტ-ნოველისტად გაიცნეს.

    მეორე მსოფლიო ომამდე მწერალი პარიზშიც ცხოვრობდა, იქიდან კი გერმანულ ჯარებს გაექცა აშშ-ში, სადაც დაიწყო მისი, როგორც პროზაიკოსის აღმასვლა. გარდა მწერლობისა, ნაბოკოვი ლეპიდოპტერიისა და ჭადრაკის საფუძვლიანი მცოდნეც იყო.

    ნაბოკოვის ნაწარმოებებს შორის უდავოდ გამორჩეული ადგილი უკავია „ლოლიტას", რომელსაც კრიტიკოსები ხშირად მოიხსენიებენ XX საუკუნის ერთ-ერთ ყველაზე მნიშვნელოვან მხატვრულ ნაწარმოებად. „ლოლიტა, თეთრკანიანი ქვრივი მამაკაცის აღსარება" – ასე უწოდებს თავად მწერალი რომანს, რომელიც ერთი შეხედვით მოწიფული მამაკაცისა და თორმეტი წლის გოგონას საბედისწერო, წინააღმდეგობრივი სიყვარულის ამბავია, მაგრამ სასიყვარულო ისტორიის მიღმა დახვეწილი ევროპისა და ომისშემდგომი „ჭკუამხიარული" ამერიკის შეჯახებაა დახატული. „ლოლიტა" სავსეა სიმბოლური სახეებით, სიტყვათა თამაშითა და ღრმა ფსიქოლოგიური პორტრეტებისა და პერსონაჟების ზუსტი, ლაკონიური აღწერით.

    კალათში დამატება ფასი: 11.9 ლარი