ამ წიგნში გაეცნობი გამბედავი, ავანტიურისტი მოგზაურების დაუჯერებელ ისტორიებს: ვინ შეება ყინულოვანი პოლუსების სიცივეს, ვინ გაბედა უწყლო უდაბნოების, ნიანგებით სავსე მდინარეებისა და თვალუწვდენელი ოკეანეების გადაკვეთა, ვინ, როდის და როგორ აღმოაჩინა დღეისათვის მსოფლიოში ყველაზე ცნობილი ადგილები და კიდევ რის აღმოჩენა შეიძლება მომავალში.

ძვირფასო მშობლებო და მასწავლებლებო, მადლობას გიხდით "ცხოველების ანბანის" შეძენისთვის. სამ თამაშს, რომელთაც ჩვენ გთავაზობთ, მთელ მსოფლიოში სიამოვნებით თამაშობენ არა მარტო ბავშვები, არამედ უფროსებიც. ამას გარდა, "ცხოველების ანბანი" შესანიშნავი დამხმარე საშუალებაა  საბავშვო ბაღისა და დაწყებითი სკოლის მასწავლებლებისათვის. კოლოფში ბარათების ორი კომპლექტია. თითოეული კომპლექტი შედგება 33 ბარათისაგან, რომლებზეც გამოსახულია ცხოველები: აქლემი, ბუზი, გველი, დელფინი, ენოტი, ვირი, ზღარბი, თუთიყუში, იხვი, კიბორჩხალა, ლომი, მარტორქა, ნიანგი, ობობა, პინგვინი, ჟირაფი, რვაფეხა, სპილო, ტახი, ურჩხული, ფუტკარი, ქათამი, ღორი, ყვავი, შველი, ჩხიკვი, ცხენი, ძროხა, წერო, ჭიამაია, ხვლიკი, ჯიხვი და ჰიპოპოტამი. ბარათებს აწერია ქართული ანბანის შესაბამისი ასოები. 

შეიყვარე საქართველო ხელახლა!

ამ წიგნში თავმოყრილ ყველა ღირსშესანიშნაობას თამამად შეგვიძლია საქართველოს საოც­რებები ვუწოდოთ. ახალგაზრდა ფოტოგრაფის, გოგა ჩანადირის საავტორო შთამბეჭდავი ფოტოები, თითოეული ღირსშესა­ნიშნაობის შესახებ მოკლე, საინტერესო ინფორმაცია და რუკები დაუვიწყარ მეგზურობას გაგიწევთ ჩვენს ქვეყანაში, მას სულ სხვა თვალით დაგანახვებთ და სურვილს გაგიჩენთ, ფოტოზე აღბეჭდილი არქიტექტურული, კულტურული, ეთნოგრაფიული თუ ბუნებრივი ძეგლი ფეხდაფეხ შემოიაროთ და საკუთარი თვალით იხილოთ.

შეამოწმე შენი ცოდნა ამ ტესტებით და მომზადებული შეხვდი გამოსაშვებ გამოცდებს!

ეს კრებული სასკოლო გამოსაშვები გამოცდებისათვის საჭირო ყველა საგნის ტესტს მოიცავს. თითოეულ საგანში მოცემულია 100 შეკითხვა; ამასთან, გამოსაშვები გამოცდების მსგავსად, თითოეულ შეკითხვას ოთხი სავარაუდო პასუხიც ახლავს, რომელთაგან სწორი მხოლოდ ერთია. კრებულს დართული აქვს პასუხების ფურცელიც, რაც მოსწავლეს თავისი ნამუშევრის შემოწმებისა და საკუთარი ცოდნის შეფასების საშუალებას მისცემს.

რენესანსის ეპოქა XIV საუკუნის ბოლოს დაიწყო იტალიაში და მთელ ევროპაში XVI საუკუნის მეორე ნახევრამდე გაგრძელდა. ანტიკური რომისა და საბერძნეთის საოცრებების ხელახლა აღმოჩენამ წარმოშვა ხელოვნება, რომელმაც შუა საუკუნეების დოგმები გააცამტვერა და სიახლეები შეიტანა მხატვრობაში, ქანდაკებასა და არქიტექტურაში. რენესანსის ძლიერი გავლენა ევროპულ ხელოვნებაზე მომდევნო ოთხ საუკუნეშიც იგრძნობოდა. 

ამ წიგნის საშუალებით მხატვრობით დაინტერესებული მკითხველი გაეცნობა XIX საუკუნის მიწურულს ჩამოყალიბებული მოძრაობის წინააღმდეგობებსა და პარადოქსებს. წიგნში ავტორი დაწვრილებით გვიყვება იმპრესიონისტი მხატვრების ბიოგრაფიას, მიმოიხილავს მათ ნამუშევრებს და აანალიზებს მიმდინარეობის ძირითად ელემენტებსა და ინდივიდუალიზმის გამოვლინებებს, რომლებმაც საფუძველი დაუდო თანამედროვე მხატვრობას.

ფიროსმანის გენიალურობაში დარწმუნებული თაყვანისმცემლები, საკუთარი რწმენის გასამხნევებლად, მის ნახატებში მაინც ეძებდნენ მარგალიტებს, და თუ ვერ პოულობდნენ, ზოგჯერ თვითონვე თხზავდნენ ხოლმე...

ძალიან საინტერესო, ახალი, უნივერსალური გამოცემა, რომელიც ერთნაირად დააინტერესებს როგორც სკოლის მოსწავლეებს, ასევე სტუდენტებს, შესაბამისად, გეოგრაფიის პედაგოგებსა და ლექტორებს.

ამ მშვენიერ დღიურში შეგიძლია თავი მოუყარო შენს ყველაზე ლამაზ და დაუვიწყარ მოგონებებს;
ჩაწერო, რა გიყვარს და რაზე ოცნებობ; ვინაა შენი საუკეთესო მეგობარი;
ჩაინიშნო საჭირო თარიღები და ამბები; ჩააკრა შენი უსაყვარლესი ფოტოები.
ამ დღიურს შეგიძლია ანდო ყველაფერი – ის, რასაც ყველას გაუმხელ და ისიც, რაც საიდუმლოა.