ბაკურ სულაკაურის გამომცემლობა

21-ე საუკუნის ქართული მოთხრობის პრეზენტაცია და kung Fu Junkie კლუბ 33 ა–ში

21–ე საუკუნის ქართული მოთხრობა “ბაკურ სულაკაურის გამომცემლობის” ერთ–ერთი ბოლო პროექტია. წიგნი 21–ე საუკუნის პირველ ათწლედში ლიტერატურულ პერიოდიკასა და “15 საუკეთესოში” შესულ მოთხრობებს აერთიანებს, ავტორების და მოთხრობების რაოდენობაც ისეა შერჩეული, რომ მკითხველს სრულყოფილად წარმოუდგება თანამედროვე სივრცეში ქართული მოთხრობის განვითარების გზა. ძალიან მნიშვნელოვანია ისიც, რომ გამომცემლობა მსგავსი ტიპის წიგნის გამოცემას საუკუნის მეორე ათწლეულის დასასრულსაც აპირებს.21–ე საუკუნის ქართული მოთხრობა და 15 საუკეთესო

21–ე საუკუნის ქართული მოთხრობა, ყდაზე გამოყენებულია ეთერი ჭკადუას ნახატი “თამადა”

წიგნის პრეზენტაცია ზაფხულის ცხელი დღის დასასრულს, 12 ივლისს სიგრილეში, კარგი მუსიკის და ღვინის თანხლებით გაიმართა. გამომცემლობა არაჩვეულებრივი სივრცის დათმობისთვის ძალიან დიდ მადლობას უხდის კლუბ 33 ა–ს , პრეზენტაცია, რომელსაც ჩვენდა სასიხარულოდ ძალიან ბევრი ადამიანი დაესწრო,  გამომცემლობის დირექტორმა ქალბატონმა თინა მამულაშვილმა გახსნა, მასთან ერთად წიგნზე და მისი გამოცემის ისტორიასა თუ მნიშვნელობაზე ისაუბრა ბაკურ სულაკაურმაც, შემდეგ კი საღამოს შედარებით სახალისო და სასიამოვნო ნაწილი დაიწყო.

კონკურსი  რამდენად კარგად იცნობენ მწერლები და მკითხველები თანამედროვე ქართულ ლიტერატურას თანაბრად საინტერესო აღმოჩნდა ყველასთვის. კონკურსის არსი ასეთი იყო, დამსწრეებს უნდა გამოეცნოთ წიგნში შესული მოთხრობებიდან ამოგლეჯილი ფრაზები და ციტატები. აღმოჩნდა, რომ მწერლებიც და უბრალო მკითხველებიც საკმაოდ კარგად იცნობენ თანამედროვე ქართულ ლიტერატურას და ფეხდაფეხ მიყვებიან მისი განვითარების გზას, რაც ორმაგად სასიხარულოა :)

 

მაკა მიქელაძემ უკვე მოიგო წიგნი და შემდეგ ციტატას კითხულობს

მაკა მიქელაძემ უკვე მოიგო წიგნი და შემდეგ ციტატას კითხულობს

მირიან ტორონჯაძემ, იგივე ყვავამ გამოიცნო ნაწყვეტი ნინო ტეფნაძის მოთხრობიდან "კოქტო მინკუსი"

მირიან ტორონჯაძემ, იგივე ყვავამ გამოიცნო ნაწყვეტი ნინო ტეფნაძის მოთხრობიდან "კოქტო მინკუსი"

დათო გაბუნია და თინა მამულაშვილი

დათო გაბუნია და თინა მამულაშვილი

გამარჯვებულებს კი საჩუქრად სტიგ ლარსონის მსოფლიო ბესტსელერის ქართული თარგმანი “გოგონა დრაკონის ტატუთი” გადასცა გამომცემლობამ.

 

კითხულობს ციტატას

კითხულობს ციტატას

ბესო ხვდელიძე

ბესო ხვდელიძე ერთადერთი მწერალია, რომლის მოთხრობები ყოველ წელს ხვდება "15 საუკეთესოში"

ანა კორძაია–სამადაშვილი

ანა კორძაია–სამადაშვილი

კონკურსის დასასრულს კი სტუმრებისთვის  Kung Fu Junkie-მ დაუკრა, კონცერტს სამწუხაროდ წვიმამ მოუსწრო, თუმცა ამას ხელი არც მუსიკოსებისთვის შეუშლია და  არც მათი მსმენელებისთვის :)

წვიმას შეფარებული მუსიკოსები და მსმენელები

წვიმას შეფარებული მუსიკოსები და მსმენელები

დანარჩენი ფოტოები შეგიძლიათ იხილოთ ჩვენს ფეისბუქზე, უფრო ვრცლად წიგნის შესახებ შეგიძლიათ წაიკითხოთ ჩვენს საიტზე და ასევე გაზეთ 24 საათში . Kung Fu Junkie-ზე უფრო მეტი კი შეგიძლიათ გაიგოთ მათი გვერდიდან ფეისბუქზე

 

 

 

This entry was posted in Uncategorized. Bookmark the permalink.

One Response to 21-ე საუკუნის ქართული მოთხრობის პრეზენტაცია და kung Fu Junkie კლუბ 33 ა–ში

  1. რუსუდანი says:

    მიხარია, რომ ლიტერატურული პროცესები ვითარდება!

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>